श्रीमानलाई उजुरी दिन आएकी महिला मृत भेटिइन

प्रदेश ३ समाज

रामेछाप । जनकपुरधाम उपमहानगरपालिका–७ स्थित नमस्कार होटल एण्डमा एक महिला मृत अवस्थामा फेला परेकी छिन् ।
उनी दुई दिनअघि आफ्ना श्रीमान् बिरुद्ध जिल्ला प्रहरी कार्यालय धनुषामा उजुरी दिन पुगेकी थिइन् । दुई दिनयता होटलमा बस्दै आएकी अन्दाजी ३५ वर्षीया महिला मृत फेला परेको प्रहरीले जनाएको छ । दुईदिन देखी धनुषाको नमस्कार होटलको कोठा नम्बर ११३ मा झुण्डिएको अवस्थामा उनको शब फेला परेको धनुषाका प्रहरी प्रवक्ता मकेन्द्रकुमार मिश्रले जानकारी दिए ।
मृत भेटिएकी महिला महोत्तरी सदरमुकाम जलेश्वर नगरपालिका–२ बस्ने समीक्षा पोखरेल पाण्डे रहेको प्रहरीले जनाएको छ । उनले श्रीमान्को नाममा प्रहरीमा उजुरी दिएर पुनः त्यही होटलमा बेलुकी बसेको समयमा उनी मृत अवस्थामा भेटिएकी हुन् ।

Facebook Comments Box
ad