उपचारको लागि डा.बाबुराम भट्टराई भारत जादै

प्रदेश ३ स्वास्थ्य

रामेछाप । पूर्व प्रधानमन्त्री तथा जनता समाजबादी पार्टीका संघीय परिषद् अध्यक्ष डा.बाबुराम भट्टराई स्वास्थ्यउपचाको लागि आइतवार छिमेकी मुलुक भारत जाने भएका छन् ।
पूर्व प्रधानमन्त्री भट्टराईको स्वास्थ्यमा समस्या आएपछि उनी नेपाल वायु सेवाको जहाजबाट भारतको नयाँ दिल्ली जान लागेका हुन । लामो समयदेखी पेट सम्वन्धि रोगले ग्रसित भएका डा.भट्टराईले राजधानी काठमाण्डौंको निदान अस्पतालमा पटक–पटक उपचार गराउँदै आएका थिए । अस्पतालमा उपचार गराउँदा पनि स्वास्थ्यमा सुधार नआएपछि उनी भारत जान लागेका हुन् ।
उनको उपचारमा संलग्न चिकित्सकहरुले न्युरो–इन्डोक्राइनको ट्युमर भएको आंशका गरेपछि चिकिस्तकहरुले थप उपचारको लागि दिल्ली जान सिफारिस गरेपछि भट्टराई भारत जान लागेका हुन् । भट्टराईको दिल्लीमा रहेको इन्स्टिच्युट अफ लिभर एण्ड बिलिअरी साइन्समा उपचार हुने छ । भट्टराईको साथमा श्रीमती हिसिला यमी र उनका प्रेस सल्लाहाकार विश्वदीप पाण्डे रहनेछन् ।

Facebook Comments Box

ad ad