राप्रपाले प्रजातन्त्र दीवसको अवसरमा झण्डोत्तोलन र चुनाब चिन्ह उद्घाट्न

प्रदेश ३ राजनीति

रामेछाप । एकहत्तरौै प्रजातन्त्र दिवसको अवसरमा राष्ट्रिय प्रजातन्त्र पार्टी जिल्ला समिति रामेछापले झण्डोत्तोलन र चुनाब चिन्हको उद्घाट्न गरेको छ । पार्टी एकिकरण पश्चात राप्रपाको चुनाव चिन्ह हलो र झण्डामा गाई अन्कीत चिन्ह रहेको छ । शुक्रबार जिल्ला सदरमुकाम मन्थलीमा प्रजातन्त्र दिवसको अवसरमा कार्यकर्ता भेटघाट तथा झण्डोत्तोलन र चुनाब चिन्ह उद्घाटन कार्यक्रमको आयोजना गरेको हो । पार्टी कार्यालय कटहरबोटमा भएको कार्यक्रममा बोल्ने सबैजसो बक्ताहरुले प्रजातन्त्र दिवसको महत्व र त्यसमा राप्रपाले खेल्दै आएको भूमिकाका बारेमा भनाई राखेका थिए ।


कार्यकर्ताहरुको बीचमा बौल्दै बागमती प्रदेशकि सांसद रीता माझीले प्रजातन्त्र विनाको स्वतन्त्रता कल्पना सम्म गर्न नसकिने भन्दै त्यसको जगेर्नाका लागि पनि प्रजातन्त्र दिवसको विषेश महत्व रहेको बताइन । उनले भनिन् राप्रपा नै प्रजातन्त्रको जननी हो । त्यसकारण अन्य पार्टीले प्रजातन्त्रको रक्षा गर्न नसक्ने बताईन ।


उक्त कार्यक्रममा बोल्दै पार्टीका केन्द्रिय सदस्य सरस्वती श्रेष्ठले मुलुकको परिवर्तनमा प्रजातन्त्र दिवसको अर्थपूर्ण महत्व रहेको र त्यसको संस्थागत विकासका लागि राप्रपाले आफ्नो भूमिकामा थप विस्तार गर्नु पर्ने बताइन् । राप्रपाका जिल्ला अध्यक्ष रामचन्द्र कडेलको अध्यक्षतामा उक्त कार्यक्रम भएको थियो । सो अबसरमा नेपाली काँग्रेस र नेकपाबाट देश सञ्चालन हुन नसक्ने कुराको पुष्टि भइसकेकाले मुलुक निर्माणको जिम्मा राप्रपाको काँधमा आएको भन्दै त्यसको तयारीमा लाग्न पनि कार्यकर्तालाई आग्रह गरेको छ ।

Facebook Comments Box
ad