उपभोक्ताको घरघरमा खानेपानी पुर्याउँछु– अध्यक्ष खड्का

प्रदेश ३ समाज
  •  
  •  
  •  
  •  
  •  
  •  
  •  

रामेछाप । सदियौ देखी खानेपानीको समस्या झेल्दै आएका लिखु तामाकोशी गाउँपालिकाका उपभोक्ताहरुलाई चाडै खानेपानी घरघरमा पुर्याउने गरि योजनाको काम अघि वढाउने लिखु तामाकोशी गाउँपालिकाका अध्यक्ष गोबिन्दबहादुर खड्काले बताएका छन् ।
खानेपानीको समस्या झेल्दै आएका लिखु तामाकोशी गाउँपालिका वडा नं–३ र ४ बिजुलीकोट र वडा नं–५ नागदहका नागरिकहरुको घरघरमा पानी पुर्याउने गरि खानेपानीको मुहान हेरिसकेकाले अब तत्काल नै प्राविधिक इष्टमेट गराएर लाग्ने रकमको जोहो गरेपछि उक्त योजनाको काम अघि वढाउने अधयक्ष खड्काले बताए।
विजुलीकोट र नागदह क्षेत्रमा प्रयाप्त मात्रामा खानेपानीको मुहान नभएकाले त्यस क्षेत्रमा लिखु तामाकोशी गाउँपालिका वडा नं–१ दुरागाउँको हिगाखोलाको पानी ल्याउने गरि मुहानको निरिक्षण समेत पालिकाले गरिसकेको छ । त्यसै खेर गइरहेको हिगाखोलाको पानी धोवीडाँडामा ल्याएर रिर्जभ ट्याङकी निमार्ण गरि जम्मा गरेर विजुलीकोट र नागदहका नागरिकहरुलाई बितरण गर्न लागिएको हो ।
नागदह र बिजुलीकोटमा गरि करिव ७ हजार भन्दा बढी घरधुरिले अहिले प्रयाप्त मात्रामा खानेपानी उपभोग गर्न पाएका छैनन् । खानेपानी उपभोग गर्न बञ्चित त्यस गाउँका सबै उपभोक्ताहरुलाई सहजताको लागि गाउँपालिकाले बृहत खानेपानी योजनाको काम अघि सारेको सो गाउँपालिकाले जनाएको छ ।
खानेपानी योजना निमार्णको लागि पालिकामा आएको रकम र अपुग रकम खानेपानी तथा सरसफाई डिभिजन कार्यालय नं ४ रामेछाप, संघीय खानेपानी तथा ढल व्यवस्थापन आयोजना तथा प्रदेश र संघ मार्फत वजेट माग गरेर योजना सम्पन्न गर्ने लक्ष्य लिएको गाउँपालिकाका अध्यक्ष खड्काले जानकारी दिए ।

Facebook Comments Box

  •  
  •  
  •  
  •  
  •  
  •  
  •  
ad ad