सुकाजोरमा ५ करोडको लागतमा कभड हल निमार्ण हुँदै

अर्थ खेलकुद
  • 47
    Shares

रामेछाप । रामेछाप नगरपालिकाको वडा नं–७ सुकाजोरमा करिब ५ करोडको लागतमा कभड हल निमार्ण हुने भएको छ ।
सो कभड हलको आइतवार रामेछाप नगरपालिकाका प्रमुख नरवहादुर थापामगरले एक कार्यक्रमको बिच शिलान्यास गरेका छन् । संघीय समलिकरण अनुदान कार्यक्रम काठमाण्डौं मार्फत आएको २ करोड ६० लाख ४४ हजार ८ सय ५१ रुपैयाँ र रामेछाप नगरपालिकाको २ करोड ६० लाख ४४ हजार ८ सय ५१ रुपैयाँ गरि कुल ५ करोड २० लाख ८९ हजार ७ सय २ रुपैयाँको टेण्डर आव्हान गरेको भएता पनि निमार्ण व्यवसायीसँग भने ४ करोड ५३ लाख ६५ हजार ४ सय ३३ रुपैयाँमा सम्झौता भएको हो ।
निमार्ण हुन लागेको कभड हल भित्र जिम रुम, भलिवल मैदान, दर्शक वस्ने ठाउँ, स्टेज, महिला र पुरुषको लागि छुट्टा–छुट्टै शौचालय समेत निमार्ण हुने भएको छ । कभड हल निमार्णको लागि रामेछाप नगरपालिकाले आवेदन माग गरेकोमा सुनकोशी कन्ट्रक्सन प्रा.लि.ले उक्त निमार्ण कार्यको जिम्मेवारी पाएको छ । निमार्ण व्यवसायीले आगामी २०७९ साल असार मसान्तभित्र निमार्ण कार्य सम्पन्न गरि रामेछाप नगरपालिकालाई हस्तान्तरण गर्नुपर्ने रामेछाप नगरपालिकाका इन्जिनियर कुसुम भट्टराईले जानकारी दिए ।
शिलान्यास कार्यक्रम रामेछाप नगरपालिका वडा नं–७ सुकाजोरका वडा अध्यक्ष समिर कार्कीको अध्यक्षतामा भएको थियो । कभड हल शिलान्यास कार्यक्रममा बोल्दै प्रमुख अतिथि रामेछाप नगरपालिकाका प्रमुख नरवहादुर थापामगरले रामेछाप नगरपालिकाको गौरवको योजना भएकाले समयमा नै कभड हल सम्पन्न गर्नुपर्ने वताए । उनले भने– सिङ्गो पालिकाको निर्णयवाट यो कामको शुरुवात भएको हो । पालिकाको वजेटले मात्रै कडभ हल निमार्ण सम्पन्न हुन नसक्ने भएपछि पालिकाले डिपिआर तयार गरेर संघीय समलिकरण कार्यक्रममा पेश गरेपछि आधा वजेट प्राप्त भएकाले यो कामको शुरुवात भएको बताए ।
सोही कार्यक्रमका अतिथि रामेछाप नगरपालिकाकी उप–प्रमुख सिर्जना खड्काले नगरपालिका भित्र खेलमैदान निमार्ण गर्ने स्थान नभएकाले सुकाजोर सवैको रोजाइमा परेको बताइन । उनले भनिन्– म आफु जन्मेको हुर्केको र वस्तुभाउँ चराएको ठाउँमा कभड हल निमार्ण हुन लाग्दा आफु ज्यादै खुशि भएको जानकारी दिइन ।
सो कभड हल शिलान्यास कार्यक्रमका अतिथि नेपाली काँग्रेस रामेछापका पार्टी सभापति लवश्री न्यौपानले खेल मैदान नभएका कारण रामेछापका युवायुवतीहरुले खेलकुद क्षेत्रमा आफ्नो अभ्यास गर्न नपाएकाले जति सक्दो चाँडो कभड हल निमार्ण सम्पन्न गरिदिन निमार्ण व्यवसायीलाई अनुरोध गरेका छन् ।
कभड हल निमार्ण गर्ने जिम्मेवारी पाएका सुनकोशी कन्ट्रक्सन प्रा.लि.का प्रतिनिधि केशव महतले नगरपालिकासँग भएको सम्झौता अनुसार नै काम सम्पन्न गर्ने गरी काम अघि वढाउने जानकारी दिए । उनले भने– हामी जतिसक्दो सम्झौता अवधिभित्रै काम सकेर सम्वन्धीत पालिकालाई हस्तान्तरण गर्ने छौं ।

Facebook Comments

  • 47
    Shares