त्रिनेत्र अध्यात्म चिन्तन केन्द्र द्धारा बृद्ध–बृद्धालाई सम्मान तथा फलफूल बितरण

प्रदेश ३ समाज
  •  
  •  
  •  
  •  
  •  
  •  
  •  

रामेछाप । त्रिनेत्र अध्यात्म चिन्तन केन्द्र जिल्ला समिति रामेछापले पंचमीको पाबन अबसर पारेर मंगलबार खाँडादेवी गाउँपालिका वडा नं–४ पकरबासको त्रिवेणी नर्वदेश्वर महादेव मन्दिर परिसरमा बस्ने बृद्ध–बृद्धालाई सम्मान गर्नुको साथै फलफूल बितरण गरेको छ ।
त्रिबेणी नर्बदेश्वर मन्दिरमा बस्ने पूजारी र बृद्ध–बृद्धाहरुलाई त्रिनेत्र अध्यात्म चिन्तन केन्द्रले मन्दिरमा पुगेर सम्मान गर्नुको साथै फलफूल बितरण गरेको हो । दुई हप्ता अघि मात्रै रामेछापमा जिल्ला समिति गठन गरेको यस संस्थाले पहिलो कार्यक्रम मार्फत मन्दिरमा बस्नेहरुलाई सम्मान र फफूल बितरण गरेर धार्मिक कार्यक्रम अघि वढाएको हो ।


लामो समयदेखी त्रिवेणी मन्दिरमा ६ जना बृद्ध–बृद्धाहरु बस्दै आएका छन् । उनीहरुलाई त्रिनेत्र अध्यात्म चिन्तन केन्द्र रामेछापले श्रद्धा गरेर सम्मान र फलफूल बितरण गरेर ठूलो पून्यप्राप्तीको काम गरेको र आगामी दिनमा पनि यस्तै सहयोग र बृद्ध–बृद्धाहरुलाई सम्मानका कार्यक्रमहरु लिएर आउन त्रिवेणी मन्दिर व्यवस्थापन समितिका अध्यक्ष वेदप्रसाद प्रसाईले आग्रह गरे ।
उनले भने– मन्दिरमा बसोवास गर्दै आएका बृद्ध–बृद्धाहरुले आफ्नै रकम खर्चेर खानाको व्यवस्थापन गर्दै आएका छन् । मन्दिरमा बस्ने दुईजनालाई मन्दिर व्यवस्थापन समितिले खाने व्यस्था मिलाएको छ भने बाँकी अन्य चारजनाले भने आफ्नै रकम खर्चेर खाने गरेका छन् । मन्दिरमा आम्दानीको श्रोत नहुँदा समस्या भएको अध्यक्ष प्रसाईले बताए ।


मन्दिरमा बस्दै आएका जेष्ठ नागरिकहरुलाई सम्झेर मन्दिरमा आई आफुहरुलाई सम्मान गर्नुको साथै फलफूल बितरण गरेकोमा असाध्यै खुशी लागेको त्रिवेणी नर्वदेश्वर मन्दिरमा बिगत १५ वर्षदेखी बस्दै आएकी पदममाया कार्कीले जानकारी दिइन । उनले भनिन्– यहाँसम्म आएर हामीलाई आफ्नै आमा सम्झेर श्रद्धा गर्नु भयो । आगामी दिनमा पनि आउँनुहोला, सम्मान गर्न पुगेका सहभागीहरुप्रति खुशी व्यक्त गरिन् ।


त्रिनेत्र अध्यात्म चिन्तन केन्द्र रामेछापकी अध्यक्ष पार्वती कार्कीको अध्यक्षतामा भएको उक्त सम्ममान तथा फलफूल बितरण कार्यक्रममा बिशेष अतिथि त्रिनेत्र अध्यात्म चिन्तन केन्द्र बागमती प्रदेशकी उपाध्यक्ष पार्वती खड्का र सचिव सरस्वती रायमाझीको समेत उपस्थिती थियो ।
त्यस्तै कार्यक्रममा नेपाल मगर महिला संघ जिल्ला कार्यसमिति रामेछापकी अध्यक्ष तारा राईका मगर(भण्डारी) र त्रिनेत्र अध्यात्म चिन्तन केन्द्र रामेछापका पदाधिकारीहरुको समेत उपस्थिती रहेको थियो । संस्थाले आगामी दिनमा जिल्लाका विभिन्न स्थानिय तहहरुमा समेत पुगेर समिति विस्तार गर्ने र धार्मिक कार्यहरु समेत गर्ने सो संस्थाले जनाएको छ ।

Facebook Comments Box

  •  
  •  
  •  
  •  
  •  
  •  
  •  
ad ad