शहीद गंगालाल र पुष्पलाललाई कम्युनिष्ट पार्टीले अपमान गर्यो स्थानिय

बिशेष

रामेछाप । राणा शासन अन्त्यका लागि लडेका शहीद गंगालाल र पुष्पलाल श्रेष्ठलाई सम्मान गर्नुको साटो नेपाल कम्युनिष्ट पार्टीले शहीदको जन्मभूमिलाई अपमान गरेको भंङगेरीका स्थानियहरुले गुनासो गरेका छन् ।
राणा शासन अन्त्यका लागि लडेका शहीद गंगालाल र पुष्पलालले राजनीतिक ब्यवस्था परिवर्तनको लागि पु¥याएको योगदानको सम्मान कम्युनिष्ट पार्टी रामेछाप र सिङ्गो राज्यले नै गर्न नसकेको रामेछापबासीको गुनासो रहेको छ । रामेछापको भंङगेरीस्थित तुल्सीदाश श्रेष्ठको घरमा वि.स. १९७५ साल चैत्र ३ गते गंगालाल श्रेष्ठको जन्म भएका थियो ।
शहीद गंगालाल जन्मिएको स्थान रामेछाप नगरपालिका वडा नं–८ भंङगेरीमा जहाँ अहिले सिस्नु घारिले ढाकिएको छ । शहीद गंगालाल र पुष्पलालको नाममा देशमा कम्युनिष्ट पार्टीले यत्ति ठूलो सफलता हात पार्यो । शहीदको नाम बेचेर अहिले देशमा दुई तिहाई सरकारसमेत गठन भएको तीनवर्ष बितिसक्दा पनि गंगालाल र पुष्पलालको जन्मभूमिमा राज्यको ध्यान पुग्न नसकेको रामेछाप नगरपालिका वडा नं–८ भङ्गेरीका नरेशबाबु श्रेष्ठले जानकारी दिए ।
उनले भने– शहीद गंगालाल जन्मिएको भूमिमा भंङगेरीमा सिस्नु घारिले ढाकिनु शहीद प्रति अपमान भएको हो । शहीदको नाम बेचेर धेरै पटक कम्युनिष्ट पार्टीवाट धेरै नेताहरु मन्त्री र प्रधानमन्त्री समेत भए । उनीहरुले शहीदहरुलाई सम्झनुको साटो बिर्सदै गएको आरोप श्रेष्ठले लगाए ।
पुष्पलाल र गंगालाल पार्क निर्माण गर्ने भन्दै सरकारले भंङगेरीमा ५० रोपनी जग्गा अधिग्रहण गरेको छ । जग्गा अधिग्रहणपछि सरकारले स्थानीयलाई मुआब्जा रकम बितरण गरेको पनि एकवर्ष बितिसक्दा पनि अहिलेसम्म पार्क निमार्णको कामले गति लिन सकेको छैन् । अधिग्रहण गरिएको जग्गामा अहिले सिस्नु र बनमारा उम्रिएर ढाकेको छ ।


राजनीतिक पार्टीले गंगालाल र पुष्पलाललाई शहीद सप्ताहको अबसर पारेर वर्षमा एक पटक सम्झनु बाहेक केही नगरेको स्थानियहरुको आरोप छ । श्रद्धाञ्जली कार्यक्रममा पुगेका कम्युनिष्ट पार्टीका नेताहरुलाई स्थानियहरुले गंगालालको सम्मान हुन नसकेको गुनासो गरेका छन् । स्थानियहरुको भनाई सुन्ने र फर्कने बाहेक नेताहरुले केही नगरेको स्थानियहरु बताउँछन् ।
गंगालालको जन्मभूमि भंगेरीलाई पर्यटकीय क्षेत्रको रुपमा विकास गर्न सके दैनिक हजारौं पर्यटकहरु भित्रयाउन सकिन्छ । शहीद गंगालाल र पुष्पलालको जन्मभूमि भंङगेरीमा जग्गा अधिग्रहण गरि अहिले त्यस क्षेत्रमा कम्पाउण्ड गाह्रो लगाउने काम भइरहेको छ । यसवाहेक शहीदको शालिक निमार्णको काम समेत सम्पन्न भइसकेकाले अब द्रुत गतीमा कामले गति लिने नेकपाको नेता एवं पूर्व सांसद देबशंकर पौडेलले जानकारी दिए ।

Facebook Comments Box
ad