नेपाल बन्दको अबसरमा नेताले बडारे मन्थलीको सडक

राजनीति

रामेछाप । नेकपा प्रचण्ड–माधव समुह रामेछापले बिहिवार गरेको नेपाल बन्दको अबसर पारेर रामेछापको सदरमुकाम मन्थलीको सडक बडारेका छन् ।
नेपाल बन्दको अबसरमा बिगतको भन्दा यसपटकको बन्दमा नेताहरुले नयाँ शैलि अपनाएका हुन् । बिगतको वन्दमा नारा जुलुस सहित पसल, होटल, यातायात र विद्यालयहरु बन्द गर्दै हिड्ने तोडफोटमा उत्रने नेताहरुले यसपटक एक फरक शैलि समेत अपनाए । यसपटकको बन्दमा पहिलाको जस्तै यातायात बन्द, शैक्षिक संस्था बन्द र बजार बन्द बाहेक थप नयाँ शैलि बजार बडार्ने नयाँ निती अपनाए ।
बजार बन्दमा निस्किएका नेकपा प्रचण्ड–माधब पक्षका प्रतिनिधि सभा सदस्य श्यामकुमार श्रेष्ठ, जिल्ला इन्र्चार्ज देबशंकर पौडेल,संबिधान सभा सदस्य तारानारायण श्रेष्ठ , जिल्ला अध्यक्ष मयनकुमार मोक्तान लगाएतका नेता तथा कार्यकर्ताको टोलीले मन्थलीको पुरानो कटहरबोट देखी तामाकोशी सेवासमितिसम्मको सडक र पेटी बडारेर सफा गरेका छन् । सडक सफा पछि उनीहरुले विरोध स्वरुप मन्थलीको देवकोटा चोकमा दिनभर सडक अवरुद्ध गरी नाचगानमा रमेका छन् ।
प्रधानमन्त्री केपी शर्मा ओलीको असंवैधानिक कदमका विरुद्धमा नेकपा प्रचण्ड–माधब समुहले आव्हान गरेको नेपाल बन्दको असर रामेछापमा पूर्ण रुपमा परेको छ । नेपाल बन्दको विरोधमा उत्रिएका प्रचण्ड–माधब समुहका नेता तथा कार्यकर्ताहरुले बिहानै देखी मन्थली बजारमा झण्डा सहित निस्किएर बजार पूर्णरुपमा बन्द गराएका थिए ।
त्यसैगरी नेकपाको वन्दको प्रभाव जिल्लाभरका सामुदायिक विद्यालय र निजि विद्ययालयहरुमा समेत परेको छ । आज जिल्लाभरका सामुदायिक विद्यालय र निजि विद्यालयहरु पूर्णरुपमा बन्द भएका छन् । त्यसैगरी छोटो दुरी र लामो दुरीमा चल्ने यातायातका साधनहरु पूर्णरुपमा ठप्प रहेको छ । प्रहरीले केही खाद्यान्न, तरकारी र हार्डवएरका सामाग्रीहरु लिएर रामेछाप आउँदै गरेका केही सवारीसाधनहरुलाई प्रहरीको टोलीले इस्कटिङ गरेर सम्वन्धित स्थानमा पठाएको छ ।


नेपाल वन्दको समयमा जिल्लामा हुन सक्ने सम्भावित घटनाहरुलाई मध्य नजर गरी प्रशस्सत मात्रामा प्रहरी परिचालन गरिएको जिल्ला प्रशासन कार्यालय रामेछापका प्रमुख जिल्ला अधिकारी अर्जुनकुमार शर्माले जानकारी दिए । उनले भने– कुनै अप्रिय घटना नघटोस् भनेर त्यही अनुसार शान्तिसुरक्षा कायम गरिएको छ । जिल्लामा दिउँसोसम्म कुनै अप्रिय घटना कुनै नभएको बताए ।

Facebook Comments Box
ad