मन्थली क्याम्पस संचालक समितिको अध्यक्षमा बियोगी र श्रेष्ठ भिड्ने

प्रदेश ३ शिक्षा
  •  
  •  
  •  
  •  
  •  
  •  
  •  

रामेछाप । जिल्ला सदरमुकाम मन्थलीमा रहेको मन्थली सहिद स्मृति बहुमुखी क्याम्पसको क्याम्पस संचालक समितिको अध्यक्षमा अधिवक्ता रामचन्द्र बियोगी र मन्थली सहिद स्मृति बहुमुखी क्याम्पसका पूर्व क्याम्पस प्रमुख गुञ्जबहादुर श्रेष्ठ भिड्ने भएका छन् ।
सहिद स्मृति बहुमुखी क्याम्पसको यहीँ फागुन ८ गते हुने निर्वाचनमा दुई अध्यक्ष बिच कडा प्रतिस्पर्धा हुने भएको हो । पूर्व क्याम्पस प्रमुख गुञ्जवहादुर श्रेष्ठले क्याम्पस संचालक समितिको अध्यक्ष पदमा बस्ने बताएपछि सो क्याम्पसको एक कार्यकाल चलाइसकेका क्याम्पस संचालक समितिका अध्यक्ष रामचन्द्र बियोगीले पुनः दोश्रो कार्यकाल पनि आफै संचालक समितिको अध्यक्ष पद नछाड्ने जनाएपछि क्याम्पस संचालक समितिको अध्यक्ष पदमा मतदान हुन लागेको हो ।
क्याम्पस संचालक समितिको कार्यकाल सकिएपछि मन्थली सहिद स्मृति बहुमुखी क्याम्पसले यहीँ माग १७ गते दोश्रो क्याम्पस सभाको आयोजना गरेको थियो । क्याम्पस सभामा क्याम्पस संचालक समितिको अध्यक्ष पदमा उम्मेदवारी दिने दुई व्यक्ति भएपछि सो दिन क्याम्पस संचालक समितिका क्याम्पस सभा सदस्यहरुले अध्यक्ष छान्न सकेनन् ।
संचालक समितिको अध्यक्ष पदमा दुईजनाको प्रतिस्पर्धा भएपछि सहभागी क्याम्पस सभा सदस्यहरुको भेलाले सात सदस्यीय मेलमिलाप तथा समन्वय समिति गठन गरेको छ । समितिमा क्याम्पस संचालक समितिका सदस्यहरु ध्रुबप्रसाद सुबेदी, लेखबहादुर कार्की, दीपक प्रसाई, नारायण बोगटी, नारायणदास श्रेष्ठ, ध्रुब कार्की र रामबाबु घिमिरे रहेका छन् । समितिले फागुन ७ गतेभित्र मिलमिलाप गराउने छ । यदी प्रतिस्पर्धी बिच मेलमिलाप नभएको खण्डमा मात्रै ८ गते मतदान हुने जनाइएको छ । मतदानमा ७९ जना क्याम्पस सभा सदस्यहरुको सहभागीता हुने छ ।
मेलमिलाप गठित समितिले क्याम्पस संचालक समितिका दुई उम्मेदवारलाई राखेर पटक–पटक वार्ता गर्दा पनि दुई उम्मेदवारहरु अहिलेसम्म पनि टसमस नगरेको मेलमिलाप समितिका सदस्य नारायणबहादुर बोगटीले जानकारी दिए । उनले भने– हामी मिलाउने प्रयासरत छौं । आशा छ केही दिन भित्रै मिलाउँछौ, मिल्नै नसक्ने अवस्था आएमा मात्रै निर्वाचनको प्रक्रियामा जाने सदस्य बोगटीले बताए ।
क्याम्पस सुधार र क्याम्पसमा अध्ययनरत बालबालिकाहरुको शैक्षिक गुणस्तर सुधार गर्न र उनीहरुको भाबी भविष्यको लागि आफ्नो उम्मेदवारी रहेको पूर्व क्यापस प्रमुख गुञ्जवहादुर श्रेष्ठले बताए । उनले भने– मैले मेरो आधा भन्दा बढी उमेर मन्थली स्कुल र क्यापसको लागि समर्पित गरे । अब बाँकी जीबन पनि यहीँ क्याम्पसको लागि गर्ने गरि उम्मेदवारी दिएको हुँ । मलाई आशा छ सबै क्याम्पससभा सदस्यहरुले मलाई निर्वाचित गराउनु हुने नै छ ।
त्यसैगरी क्याम्पसको गर्नुपर्ने कामहरु केही बाँकी भएको र आफ्नो कार्यकालमा सबै कामहरु पुरा गर्न नसकेको भन्दै बाँकी र छुटेका कामलाई पूर्णता दिन आफुले उम्मेदवारी दिएको पूर्व क्याम्पस संचालक समितिका अध्यक्ष रामचन्द्र बियोगीले जानकारी दिए । उनले भने– मलाई आम क्याम्पससभा सदस्यहरुले तपाई नै हाम्रो अध्यक्ष हो भनेका छन् । मलाई पूर्ण विश्वास छ म जसरी भएता पनि संचालक समितिको अध्यक्ष बन्छु ।
मन्थलीको क्याम्पस संचालक समितिको अध्यक्ष पदमा भिड्ने दुवै व्यक्ति नेपाली काँग्रेस पार्टीका हनोहार कार्यकर्ताहरु हुन् । एक पदमा दुई उम्मेदवारी बनेपछि अहिले नेपाली काँग्रेसका नेताहरु कसलाई संयोजक पदमा राख्ने भन्ने बिषयमा छलफलमा जुटेका छन् । त्यसैगरी नेकपाको उम्मेदार दिने व्यक्ति नभएपछि नेकपा केपीशर्मा ओली समुहले पूर्व क्याम्पस संचालक समितिका अध्यक्ष रामचन्द्र बियोगीलाई अघि सारको ओली श्रोतले जनाएको छ । त्यसैगरी नेकपा प्रचण्ड–माधब समुहले पूर्व क्याम्पस प्रमुख गुञ्जबहादुर श्रेष्ठलाई अघि सारेका छन् । क्याम्पसलाई सहि ढंङ्गले चलाउने क्षमता पूर्व क्याम्पस प्रमुख श्रेष्ठसँग मात्रै भएकाले हाम्रो सिङ्गो पार्टीले उहाँलाई सहयोग गर्ने नेकपा प्रचण्ड–माधब समुहका युवा नेता युबराज सुबेदीले जानकारी दिए ।
क्याम्पस संचालक समितिको अध्यक्ष पदमा दुईजनाको प्रतिस्पर्धा भएपछि यसलाई आपसी मेलमिलापबाट टुङ्याउने गरी मेलमिलाप तथा समन्वय समिति गठन गरिएको मन्थली सहिद स्मृति बहुमुखी क्याम्पसका क्याम्पस प्रमुख ऋषिकुमार कार्कीले जानकारी दिए । उनले भने– क्याम्पसजस्तो पबित्र संस्थामा चुनाबी प्रतिस्पर्धा भन्दा आपसी समझदारीमा संचालक समितिको टुङ्गो लगाउँदा भोलीको दिनमा काम गर्न सहज हुने भएकाले सहमतीको लागि मेलमिलाप समितिलाई जिम्मा दिइएको बताए ।
मन्थली सहिद स्मृति बहुमुखी क्याम्पसको संचालक समितिमा हुने निर्वाचनमा १ अध्यक्ष, ४ पुरुष सदस्य र १ महिला सदस्य गरि ६ जना मात्रै निर्वाचित हुनेछन् । निर्वाचित मण्डलले पछि अन्य ३ सदस्य मनोनित गर्न पाउने छ, भने सो समितिले पछि आमन्त्रीत सदस्य समेत थप गर्ने ब्यवस्था रहेको क्याम्पस प्रशासनले जनाएको छ ।
संचालक समितिको फागुन ८ गते हुने निर्वाचनको लागि शिक्षक पेशल आचार्यको संयोजकत्वमा तीन सदस्यीय निर्वाचन मण्डल समेत गठन गरेको छ । निर्वाचन मण्डलमा पेशल आचार्य, हरी अधिकार र अप्सरा पौडेल रहेको क्याम्पस श्रोतले जनाएको छ ।

Facebook Comments Box

  •  
  •  
  •  
  •  
  •  
  •  
  •  
ad ad