बजार अनुगमनमा सिडियो

अर्थ समाज

रामेछाप । जिल्ला सदरमुकाम मन्थलीमा रहेका व्यवसायीहरुले मनलाग्दी मूल्यमा दैनिक उपभोग्य सामाग्रीहरु बिक्री वितरण गरेको भन्ने गुनासो उपभोक्तावाट पटक–पटक आएपछि साेमबार बजार अनुगमन गर्न रामेछापका प्रमुख जिल्ला अधिकारी अर्जुनकुमार शर्मा आफै निस्किएका छन् ।
व्यवसायीहरुले मनलाग्दी रुपमा दैनिक उपभोग्य सामाग्रीहरुको रकम लिने गरेको, पसलमा मूल्य सूचि नराखेको र अखाद्य बस्तु बढी मात्रामा बिक्री गर्ने गरेको गुनासो उपभोक्ताहरुले जिल्ला प्रशासन कार्यालय रामेछापमा गरेका थिए । त्यसैगरी मन्थलीमा रहेका दुधडेरी, बेकरी उद्योगहरुले अखाद्य सामाग्री मिसावट गरी विक्री बितरण गर्ने गुनासो बढेपछि त्यसको वास्तविकता बुझ्न प्रमुख जिल्ला अधिकारी आफै बजारमा निस्किएका हुन् ।
जिल्ला प्रशासन कार्यालयका सहायक प्रमुख जिल्ला अधिकारीको संयोजक्तवमा बजार अनुगमन समिति भएता पनि यसपटक भने प्रमुख जिल्ला अधिकारीको नेतृत्वमा रामेछाप उद्योग वाणिज्य संघ, खाद्य तथा गुणस्तर कार्यालय, घरेलु उद्योग विकास समिति लगाएतको टोलि लिएर अधिकारी शर्माले बजार अनुगमन गरेका हुन् ।
बजार अनुगमनको क्रममा केही व्यवसायीहरुले मूल्य सुचि राखे पनि त्यसलाई अद्यावधिक नगरेको, केही व्यवसायीहरुवाट म्याद सकिएको अखाद्य बस्तु जफत गरिएको र केही दुध विक्रीगर्ने व्यवसायीले पसलमा सफासुग्घर नगरेको देखिएको प्रमुख जिल्ला अधिकारी अर्जनकुमार शर्माले जानकारी दिए ।
उनले भने– विगत देखी नै प्रशासनले गर्दै आएको बजार अनुगमन निरन्तर चलिरहेको नै छ । पछिल्लो समय बजारमा धेरै व्यवसायीहरुले मनलाग्दी मूल्य लिएर सामाग्रीहरु विक्री वितरण गरेको भन्ने गुनासोको आधारमा यसपटक आफै बजार अनुगमन निस्किएको हुँ । अनुगमनको क्रममा भेटिएका त्रुटीहरु तत्काल सच्याउन व्यवसायीहरुलाई निर्देशन दिएको छु । अर्को पटक बजार अनुगमन गर्न निस्कदा पनि यस्तै अवस्था भेटिए कानून अनुसारको कडा कारवाही गर्ने प्रजिअ शर्माले बताए ।

Facebook Comments Box
ad