प्रधानमन्त्री कप क्रिकेटको उपाधि त्रिभुवन आर्मीलाई

खेलकुद

काठमाडौँ । प्रधानमन्त्री कप क्रिकेटको उपाधि त्रिभुवन आर्मी क्लबले हात पारेको छ । प्रधानमन्त्री कप एकदिवसीय क्रिकेट खेलमा त्रिभुवन आर्मी क्लबले नेपाल एपिएफ क्लबलाई पराजित गर्दै प्रतियोगिताको उपाधि हात पारेको हो ।
त्रिवि क्रिकेट मैदान कीर्तिपुरमा शनिबार भएको फाइनल भिडन्तमा आर्मीले एपि एफ लाई ३३ रनले पराजित गर्दै उपाधि हात पारेको हो । आर्मीले दिएको २ सय १२ रनको लक्ष्य पछ्याएको एपि एफ ४१.३ ओभरमा १७८ रनमा अलआउट भएको थियो । आर्मीले अन्तिम चार बलमा एपि एफको तीन विकेट लिँदै खेल आफ्नो पक्षमा पारेको हो ।
४१.२ ओभरमा सहाब अलामबाट कमलसिंह ऐरी २ रनमा बोल्ड भए लगत्तै अर्को बलमा अभिनास बोहरा एल बिडब्लूको धरापमा परका थिए । अघिल्लो ओभरको अन्तिम बलमा अमरसिंह रउटेला १ रनमा आउट भएका थिए ।
आर्मीका लागि आसिफ शेखले अर्धशतक प्रहार गरेका थिए । ओपनिङ ब्याट्सम्यान आसिफले ७१ बलमा ८ चौका र १ छक्काको मदतमा ६१ रन जोडेका थिए । अर्का ओपनर सुवास खकुरेल १४ रनमा आउट हुँदा कप्तान शरद भेषवाकर डकआउट भएका थिए ।
शंकर रानाले २१ रन जोड्दा सुमित महर्जनले १९ रन बटुलेका थिए भने भुवन कार्की ९ रनमा आउट भएका थिए । सन्दीप जोरा २९ रनमा आउट भएपछि खेल आर्मीको पक्षमा गएको थियो ।
बलिङमा आर्मीका विक्रम शोव, जितेन्द्र मुखिया र सहाब अलामले ३(३ विकेट लिएका थिए । १ विकेट सुशन भारीको नाममा रह्यो। त्यसअघि टस हारेर पहिले ब्याटिङ गरेको आर्मीले ५० ओभरमा ९ विकेटको क्षतिमा २ सय ११ रन जोडेको हो ।
आर्मीका लागि हरिबहादुर चौहानले अर्धशतक प्रहार गरेका थिए । लामो इनिङ्ग्स खेलेका उनले ५८ रनको योगदान दिए । उनले १०२ बलमा ६ चौका प्रहार गरका थिए । आर्मीका लागि ओपनिङ गरेका सुशन भारीले ३४ बल खेलेर १३ रन जोडे भने अनिल मण्डलले २१ बलमा ११ रन बटुलेका हुन ।
भीम सार्की ७ रनमा आउट भएका थिए भने रोहित पौडेलले ३० बलमा १३ रन मात्र जोड्न सकेका थिए । कप्तान विनोद भण्डारीले एपि एफका कमलसिंह ऐरीबाट एलबिडब्लूको धरापमा पर्नुअघि १६ बलमा ७ रन मात्र जोड्न सके थिए । राजेश पुलामी मगरले जोडेको २८ रन पनि आर्मीको लागि महत्वपूर्ण सावित भएको थियो । किशोर महतोको बलमा आउट हुनुअघि उनले २९ बलमा २ चौका र १ छक्का प्रहार गरेका थिए ।
लोकेश बमले ९ बलमा २ छक्कासहित १५ रन प्रहार गरेका थिए भने विक्रम शोव ११ रनमा आउट भए हुन । सहाव अलामले अन्तिममा आक्रमक ब्याटिङ गर्दै नटआउट २१ रन जोडेका थिए । उनले १४ बलमा २ चौका र १ छक्कासहित नटआउट २५ रन जोडेका थिए ।
बलिङमा एपिएफका अभिनास बोहराले सबैभन्दा बढि ४ विकेट लिएका थिए । उनले १० ओभरमा २ मेडन राख्दा २५ रन मात्र खर्चिएका थिए । किशोर महतोले २ विकेट हात पारेका थिए । उनले १० ओभरमा ५३ रन खर्चिएका थिए ।

Facebook Comments Box

ad ad