रामेछाप नगरपालिकाको तीन विधेयक पारित

समाज

रामेछाप । रामेछाप नगरपालिकाको आठौं नगरसभाले तीनवटा विधेयक पारित गर्दै आफ्नो नगरसभा सम्पन्न गरेको छ ।
रामेछाप नगरपालिकाका प्रमुख नरबहादुर थापामगरको अध्यक्षतामा भएको उक्त नगरसभाले पूरक विनियोजन विधेयक २०७७, शिक्षा ऐन विधेयक २०७५ (प्रथम शंसोधन) र वडा नम्बर ३ साँघुटार वडा कार्यालयको केन्द्र निर्धारण गर्ने गरि तीनवटा विधेयक पारित गरेको हो । सो नगरसभाले गएको आर्थिकवर्ष २०७६÷०७७ मा भएको भौतिक तथा बित्तिय प्रगती र चालु आर्थिक वर्ष २०७७÷०७८ को लागि बिनियोजीत निती तथा कार्यक्रमको पौषमसान्तसम्म कार्यलयले गरेको प्रगतीको बिषयमा समिक्षा गरेको थियो ।
विश्वभर महामारीको रुपमा फैलिएको कोरोना महामारीको कारण रामेछाप नगरपालिकाले आफ्नो उद्धेश्य अनुसार काम गर्न नसकेको रामेछाप नगरपालिकाका प्रमुख नरवहादुर थापामगरले सहभागीलाई जानकारी गराएका थिए । उनले हाल कोरोनाको त्रास कम हुँदै गएको र केही मात्रामा जिल्लामा कोरोना विरुद्धको भ्याक्सीन समेत आएर खोप लगाउने अभियान नै शुरु भइसकेकाले आगामी दिनमा नगरपालिकाले बाँकी र अधुरो सबै कामहरुलाई एकैसाथ अघि वढाउने प्रमुख मगरले बताए ।
सभाका सहभागीहरुलाई रामेछाप नगरपालिकाले चालु आर्थिक वर्षका लागि स्वीकृत निती र कार्यक्रमहरु र आगामी दिनमा पालिकाले गर्ने कामहरुको बिषयमा रामेछाप नगरपालिकाकी उप–प्रमुख सृजन खड्काले जानकारी गराएकी थिइन ।

Facebook Comments Box
ad