अबैद्य गाँजा र मदीरा नष्ट

कृषि समाज

रामेछाप । जिल्ला प्रहरी कार्यालय रामेछापले गएको जिल्लाको विभिन्न गाउँपालिकामा अवैद्य रुपमा लगाइएको गाँजा नष्ट गरेको छ ।
प्रहरीले सुराकीको आधारमा गोकुलगंगा गाउँपालिकाको चुचुरे, ठोसे, रस्नालु र खाँडादेवी गाउँपालिकाको माकादुम, मझुवामा गरि ३ हजार ७ सय ४५ थान अवैद्य गाँजाका बिरुवा नष्ट गरेको हो । गाँजा खेती गर्न नपाउँने कानूनी व्यवस्था हुँदाहुँदै किसानहरुले लुकिछिपी गाँजा खेती गर्ने गरेको गुनासोको आधारमा प्रहरीले ती स्थानमा पुगी नष्ट गरेको हो ।
त्यसैगरी जिल्लाका विभिन्न नाकाहरुमा प्रहरीले गरेको चेकजाँचको क्रममा विक्री गर्न लैजादै गरेको अवैद्य १ हजार ८० लिटर घरेलु मदिरा प्रहरीले नियन्त्रणमा लिएर नष्ट गरेको छ । प्रहरी कार्यालयमा भएको रेकर्ड अनुसार एकवर्षको अवधिमा ती अवैद्य वस्तुहरु नष्ट गरिएको हो ।
त्यस्तै घरेलु मदिरा उत्पादन गर्ने स्थानको पहिचान गरि मदिरा नियन्त्रण लिनुको साथै मदिरा बनाउन प्रयोग गरिने कच्चा पदार्थ समेत प्रहरीले नियन्त्रणमा लिएर नष्ट गरेको जिल्ला प्रहरी कार्यालय रामेछापले जनाएको छ ।

Facebook Comments Box
ad