यातायात कार्यालय जनकपुरमा अख्तियारको छापा

अर्थ प्रदेश २ समाज
  •  
  •  
  •  
  •  
  •  
  •  
  •  

जनकपुर । जनकपुरमा रहेको यातायात कार्यालयमा गएराति अख्तियार दुरुपयोग अनुसन्धान कार्यालय महोत्तरीले गएराती छापा मारेको छ ।
कार्यालयमा छापा मार्न पुगेको अख्तियारको टोलीले करिव ६ घण्टापछि २ लाख ७५ हजार रुपैयाँ सहित यातायात कार्यालयका कार्यालय सहयोगी भोगेन्द्र कापर र बिचौलिया राजकिशोर भगतलाई नियन्त्रणमा लिएको छ । अख्तियारको टोलीले कार्यालय सहयोगी भोगेन्द्रको कोठा भित्र रहेका सोफा सेट, खाट र दराजबाट २ लाख २३ हजार ८ सय रुपैयाँ रकम र बिचौलिया राजकिशोरको साथवाट ५० हजार घुस रकम बरामद गरेको हो ।
अख्तियारको नियन्त्रणमा परेका बिचौलिया भगतले आफू ट्याक्टरको लाइसेन्सको लागि यातायात कार्यालयका कम्युटर अपरेटर अनिल गिरीलाई ५० हजार घुस खुवाएर पास गरिदिने गरि सेवाग्राहीको नाम बोकेर कार्यालय पुगेको वयान दिएका छन् । बिचौलिया रकम र नामवलीको कागज वोकेर यातायात कार्यालय पुगेकै बखत अख्तियारको टोलीले छापा मारेर नियन्त्रणमा लिएको थियो । जनकपुर यातायात कार्यालयमा कार्यरत कर्मचारीहरुले सेवाग्राहीहरुसँग सेवा दिदै पिच्छे घुस माघने गरेको गुनासो सर्वत्र उठेपछि अख्तियारको टोलीले उक्त कार्यालय छापा मारेको हो ।

Facebook Comments Box

  •  
  •  
  •  
  •  
  •  
  •  
  •  
ad ad