बुधबार क–कसलाई लगाइन्छ कोरोनाविरुद्धको खोप

बिशेष स्वास्थ्य
  •  
  •  
  •  
  •  
  •  
  •  
  •  

रामेछाप । सरकारले कोरोनाविरुद्धको खोप लगाउने तयारी तीव्र रुपमा अगी बढाएको छ । बुधबार प्रधानमन्त्री केपी शर्मा ओलीले अभियानकोरुपमा देश भर कोरोनाविरुद्धको खोपको शुभारम्भ गर्ने कार्यक्रम रहेको छ ।
खोप अभियानको रुपमा शुरु भए संगै पहिलो चरणमा स्वास्थ्यकर्मीलाई खोप लगाइने खोपविज्ञ डा. श्यामराज उप्रेतीले बताए । ‘स्वास्थ्यकर्मीलाई सुरक्षित राख्यो भने मात्र अरुलाई जोगाउन सकिने भएकोले पहिलो चरणमा स्वास्थ्यकर्मीलाई प्राथमिकतामा राखेको खोपविज्ञ डा.उप्रेतीले बताए ।
खोप अभियानका लागि भारतले दिएको १० लाख डोज ‘कोभिसिल्ड’ खोप सरकारले प्रदेश प्रदेशमा सोमबार पु¥याइ सकेकोे छ । प्रदेशबाट मंगलबार बेलुकासम्म सबै जिल्लामा खोप पुगिसक्ने स्वास्थ्य मन्त्रालय अन्तर्गतको खोप महाशाखा प्रमुख डा. झलक गौतमले जानकारी दिए । ‘आज (सोमबार) बेलुकासम्म सबै प्रदेशमा खोप पुगेको गौतमले बताए । भोलि बेलुकासम्म सबै जिल्ला(जिल्लमा पु¥याउने तयारी भएको गौतमको भनाई रहेको छ ।
खोप महाशाखा प्रमुख डा.गौतमका अनुसार सातवटै प्रदेशमा ४ लाख ३० हजार नागरिकका लागि पुग्नेगरी खोप पठाइएको छ । ‘४ लाख ३० हजारलाई पुग्ने गरी खोप पठाएका उनको भनाई छ । खोपलाई अभियानको रुपमा अस्पताल केन्द्रित भएर चलाउने उनले बताए ।’ खोप महाशाखा प्रमुख डा.गौतमका अनुसार पोखरमा ४ हजार, बुटवलमा ८ हजार ८ सय, नेपालगञ्जमा २ हजार ६ सय, धनगढीमा ३ हजार ६ सय, हेटौँडामा ७ हजार ६ सय र विराटनगरमा ९ हजार ६ सय भाइल खोप पुगिसकेको छ । काठमाडौं वरिपरिका १० जिल्लाका लागि १२ हजार ५ सय भाइल खोप छुट्याइएको छ । जस मध्य काठमाडौं उपत्यकामा १७ वटा खोप केन्द्र तय गरिएको बताएका छन् ।
काठमाडौंमा १२ वटा, ललितपुरमा तीन र भक्तपुरमा दुईवटा केन्द्र निर्धारण गरिएको स्वास्थ्य मन्त्रालयले जनाएको छ । काठमाडौंको टेकु अस्पताल, वीर अस्पताल, प्रसूति गृह, गंगालाल अस्पताल, नेपाल प्रहरी अस्पताल, टिचिङ अस्पताल, आर्मी अस्पताल, सशस्त्र प्रहरीको अस्पताल, आयुर्वेद तालिम केन्द्र कीर्तिपुर, सिभिल अस्पताल, नेपाल मेडिकल कलेज र काठमाडौं मेडिकल कलेजबाट खोप लगाइनेछ । त्यस्तै, भक्तपुरमा कोरियन अस्पताल र भक्तपुर अस्पतालबाट खोप लगाइनेछ । ललितपुरमा भने किस्ट मेडिकल कलेज, आनन्द वन अस्पताल र पाटन अस्पतालबाट खोप लगाइनेछ । अन्य जिल्लाको हकमा भने जिल्ला अस्पतालबाट खोप लगाइने महाशाखाले जनाएको छ । धेरै अस्पताल भएको ठाउँमा भने खोप केन्द्र थप गरिने महाशाखा प्रमुख डा. गौतमले बताए ।

Facebook Comments Box

  •  
  •  
  •  
  •  
  •  
  •  
  •  
ad ad