खुल्यो मन्थलीमा कृषि उपज संकलन केन्द्र

अर्थ कृषि

रामेछाप । जिल्ला सदरमुकाम मन्थलीमा कृषि उपज संकलन तथा बिक्री केन्द्र आइतबारबाट संचालनमा आएको छ ।
पौरखी युवा कृषि सहकारी संस्थाले मन्थली नगरपालिका र फलफुल तथा तरकारी मुल्य शृङ्खला विकास आयोजनाको आर्थिक सहयोगमा कृषि उपज संकलन केन्द्र संचालनमा ल्याएको हो । उक्त केन्द्रको आईतबार मन्थली नगरपालिका प्रमुख रमेशकुमार बस्नेतले एक समारोहका बिच उद्घाटन गरेका हुन् । मन्थली नगरबिकास समितिको ट्रष्टमा संचालनमा ल्याईएको उक्त केन्द्रलाई आवश्यक पर्ने सहयोग मन्थली नगरपालिकाले गर्दै जाने नगरप्रमुख बस्नेतले बताए ।
उनले भने– तरकारी संकलन केन्द्र संचालन आएसँगंै तरकारी तथा फलफुल ब्यवसायमा देखिएको विचौलीयाहरुको दबदबा बाट कृषकहरुले मुक्ती पाउने दिन आए । जिल्लामा अहिलेसम्म कृषि तथा फलफूल संकलन केन्द्र संचालनमा आउन नसक्दा उत्पादक कृषकहरु समस्यामा परेकोले पनि त्यसको समाधानका लागि मन्थली नगरपालिका किसानको हितको निमित्त यो केन्द्र स्थापना गर्न सहयोग गरेको प्रमुख बस्नेतले जानकारी दिए ।
तरकारी संकलन केन्द्र नहुँदा किसानहरुले मेहेनत गरेर उत्पादन गरेको बस्तु त्यतिकै खेर जाने गर्दा किसानहरु मारमा पर्दै आएको मन्थली नगरपालिका वडा नं–१३ फुलासीका किसान खिमबहादुर अधिकारीले बताए । उनले भने– अफ सिजनमा उत्पादन गरेको तरकारी वजारको माग अनुसार पुर्याउन सकिदैन । सिजनको समयमा व्यवसायीले तरकारी तराईका विभिन्न ठाउँवाट ल्याउने गर्दा किसानको तरकारी विक्री नहुँदा किसानहरु मारमा परेका थिए । अब संकलन केन्द्र हुँदा केही हदसम्म सहज भएको किसान अधिकारी बताउँछन् ।


कार्यक्रमका अध्यक्ष एवं संचालक संस्थाका अध्यक्ष सुन्दर घिमिरेले सदरमुकाम जस्तो मुख्य बजारमा अहिले सम्म तरकारी संकलन तथा कृषि उपज केन्दको अभावमा कृषकहरुले आफनो तरकारी सडकमा राखेर कौडिको मुल्यमा विक्रि गर्दे आएकोले केन्द्रको संचालन पछि उनीहरुको उत्पादनलाई विक्रिको लागि सहज बाताबरण बन्ने अपेक्षा लिएको बताए ।
कार्यक्रममा जिल्ला कृृषि सहकारी संघका कार्यवाहक अध्यक्ष हिमाल ढुंगेल, नेपाल पत्रकार महासं रामेछापका अध्यक्ष रमेश ढुंगेल रामेछाप उद्योग बाणिज्य संघका अध्यक्ष केशब घिमिरे, फलफुल तथा तरकारी मुल्य शृङ्खला विकास आयोजनाका प्रमुख डा.राज अधिकारी लगायतले जिल्लामा अहिलेसम्म तरकारी उत्पादन किसानहरुले दुःख पाउँदै आएकोमा अब संकलन केन्द्र बनेपछि थोरै भए पनि राहात मिलेको बताए । संस्थाले चाडै तरकारी तथा फलफूल राख्न चिस्यान केन्द्र पनि संचालनमा ल्याउने जनाएको छ ।

Facebook Comments Box
ad