प्रशासनले बजार अनुगमनलाई कडाई गर्ने

अर्थ समाज

रामेछाप । जिल्ला प्रशासन कार्यालय बजार अनुगमन समितिले रामेछापका बजार अनुगमन ब्यवस्थापनलाई थप कडाई गर्ने जनाएको छ ।
चालु आर्थिकवर्षमा जिल्ला बजार अनुगमन समितिले गरेको कामको समिक्षा गर्दै आगामी दिनमा गर्ने बजार अनुगमनका सम्बन्धमा बुधबार प्रमुख जिल्ला अधिकारी अर्जुनकुमार शर्माको कार्यकक्षमा बसेको जिल्ला बजार अनुगमन समितिको बैठकले उक्त निर्णय गरेको हो ।
बैठकमा बजार अनुगमनका नाममा यसअघि भए गरेका कामको समिक्षा र त्यसबाट आम उपभोक्ताहरुका पक्षमा भए गरेका गतिबिधिका बारेमा पनि छलफल भएको थियो । जिल्ला अनुगमन समितिले विगतमा भए गरेका कमजोरीलाई सुधार गर्दे बजार अनुगमनको पाटोलाई थप ब्यवस्थापन गर्दै लैजाने भएको छ ।
उपभोक्ताको जीवन र स्वास्थसंँग प्रत्यक्ष जोडिएको बजार अनुगमन प्रणालीलाई हामिले जिल्लाका सवै पालीकाहरु संगको सहकार्यमा पालीका स्तरका बजार केन्द्र सम्म सहकार्य गर्न लागि परेकाले अभियानमा सहयोग पुर्याउन प्रशासनले सवैपक्षसँग आग्रह गरेको हो ।
बैठकले यसका लागि पहिलो चरणमा रामेछाप उद्योग बाणिज्य संघ सँग सहकार्य गरि सदरमुकाम मन्थली र सवै स्थानिय निकायहरुसँग समेतको सहकार्यमा अनुशिक्षण कार्य संचालन गर्ने निर्णय गरेको छ । जस अन्र्तगत बजारमा राखिएका सामानको खरीद तथा विक्रि मुल्य र म्याद नागैका खाद्यन्न लगाएतका सामाग्रिको अवस्थाका बारेमा समेत अनुगमन गरी आबश्यकताका आधारमा कार्वाहीको प्रक्रिया अघि बढाउने निर्णय गरेको छ ।
बजार अनुगमन समितिका अध्यक्ष सहायक प्रमुख जिल्ला अधिकारी तुलराज सुनुवारको अध्यक्षतामा बसेको बैठकले बजार अनुगमनलाई प्रभावकारी बनाउने सन्दर्भलाइ आफुले ईमान्दारीताका साथ पालना गर्ने जनाएका छन् । बैठकमा नेपाल पत्रकार महासंघ बाग्मति प्रदेशका सदस्य बद्री नयाँघरे, रामेछाप उद्योग बाणिज्य संघका अध्यक्ष केशबप्रसाद घिमिरे, कोषतथा लेखा नियन्त्रक, घरेलु तथा साना उद्योग कार्यालयका प्रतिनिधी लगायतले जिल्लाका बजार अनुगमन प्रणाली र सुधारका पक्षलाई सबल बनाउनु पर्नै कुरामा जोड दिएका थिए ।

Facebook Comments Box
ad