पुरानागाउँका जेष्ठ नागरिकमा खुशियाली

समाज
  •  
  •  
  •  
  •  
  •  
  •  
  •  

रामेछाप । मन्थली नगरपालिका वडा नं–९ पुरानागाउँले आफ्नो वडा भित्र बसोबास गरि ७० बर्ष काटेका जेष्ठ नागरिकहरुलाई जाडो महिनामा ओड्न प्रयोग गरिने कम्बल बितरण गरेपछि जेष्ठ नागरिकहरुमा खुशियाली छाएको हो ।
पुरानागाउँ वडा कार्यालयले बुधवार एक कार्यक्रमको आयोजना गरि वडा भित्र रहेका जेष्ठ नागरिकहरुलाई सम्मान कार्यक्रमको आयोजना गरेको हो । मन्थली नगरपालिकाबाट वडा कार्यालय दिएकोे नेतृत्व क्षमता विकास तथा लक्षित वर्ग सम्मान कार्यक्रम मार्फत गाउँका जेष्ठ नागरिकहरुलाई सम्मान गरेको हो ।
वडा कार्यालयले पुरानागाउँका महिला र पुरुष गरि १ सय ८३ जना जेष्ठ नागरिकहरुलाई एक÷एक थान कम्वल बितरण गरेको छ । जाडोले गाउँका जेष्ठ नागरिकहरु कठाग्रिएको देखेपछि उनीहरुलाई चिसोवाट जोगाउन वडा कार्यालयमा आएको रकम वाट कम्बल खरिद गरेर बितरण गरिएको मन्थली नगरपालिका वडा नं–९ पुरानागाउँका वडा अध्यक्ष बुद्धिबहादुर मगरले जानकारी दिए ।
उनले भने– विभिन्न जिल्लाहरुमा चिसोका कारण जेष्ठ नागरिकहरुले अकालमा ज्यान गुमाउनु परेको समाचारहरु विभिन्न संञ्चारमाध्यमहरुमा सुनेपछि मलाई पनि जेष्ठ नागरिकहरुलाई केही गर्न पाए हुन्थ्यो भन्ने लाग्यो । त्यही सोच अनुसार नगरपालिकावाट आएको बजटेवाट जेष्ठ नागरिकहरुलाई जाडोमा ओड्न मिल्ने कम्बल खरिद गरेर बितरण गरेको अध्यक्ष मगरले बताए ।


घरमा भएको पुरानो सिरकले जेनतेत जाडो कटाउँछु भन्ने लागेको थियो । तर वडा कार्यालयले जेष्ठ नागरिकहरुलाई सम्झेर जाडोमा ओड्न मिल्ने कम्बल दिएपछि अब यसवर्षको जाँडो सहजै कटाउन सक्छु मन्थली नगरपालिका वडा नं–९ पुरानागाउँका ७० वर्षिय रत्नमाया पुलामीले बताइन । उनले भनिन्– जे भए पनि “हामी डाँडा माथिका घाम” भएका जेष्ठ नागरिकलाई सम्झेर वडा कार्यालयले एकथान कम्बल दिएकोमा धेरै खुशि लागेको छ ।
मन्थली नगरपालिका वडा नं–९ का वडा अध्यक्ष बुद्धिबहादुर मगरको अध्यक्षतामा भएको उक्त जेष्ठ नागरिक सम्मान कार्यक्रम मन्थली नगरपालिकाका प्रमुख रमेशकुमार बस्नेतलको प्रमुख आतिथ्यतामा सम्पन्न भएको थियो । कार्यक्रममा वोल्दै प्रमुख अतिथि बस्नेतले जेष्ठ नागरिकलाई नगरपालिकाले सधै सम्झने र सम्मान गर्ने बताए । उनले भने– जेष्ठ नागरिकहरुलाई आगामी वर्ष पनि वडा कार्यालय मार्फत आएका कार्यक्रमहरुलाई निरन्तरता दिने जानकारी दिए ।
कार्यक्रममा मन्थली नगरपालिकाका महाशाखा प्रमुख हेमन्त बुढाथोकी, पत्रकार दीपक भट्ट, नेपाली काँग्रेस जिल्ला कार्यसमिति रामेछापका कोषाध्यक्ष कुमार श्रेष्ठ लगाएतका वक्ताहरुले वडा कार्यालयले जेष्ठ नागरिकहरुलाई गरेको सम्मान प्रति प्रशंसा गर्दै आगामी वर्षमा पनि यस्ता कार्यक्रमलाई निरन्तरता दिन आग्रह गरेका थिए ।

Facebook Comments Box

  •  
  •  
  •  
  •  
  •  
  •  
  •  
ad ad