लगातार दोस्रो जित प्रधानमन्त्री कपमा बागमती प्रदेशको

खेलकुद प्रदेश ३

काठमाडौँ । बागमती प्रदेशले लगातार प्रधामन्त्री कप (पीएम कप) पुरुष राष्ट्रिय क्रिकेट प्रतियोगितामा दोसो जित हात पारेको छ । सोमबार भएको खेलमा बागमती प्रदेशले सुदूरपश्चिम प्रदेशलाई १८० रनले पराजित गरेको हो ।
कीर्तिपुर स्थित त्रिभुवन विश्व विद्यालयको खेल मैदानमा सुदूरपश्चिम प्रदेशले टस जिते फिल्डिङ गरेपछी वाग्मती प्रदेशले पहिला ब्याटिङ गरेको थियो । वाग्मती प्रदेशले निर्धारित ५० ओभरमा नौ विकेटको क्षतिमा २९९ रन बनाएको थियो । तीन सय रनको विजय लक्ष्य पाएको सुदूरपश्चिमले २१ ओभरमा सबै विकेट गुमाएर ११९ रन मात्र बनाउन सकेको थियो । वाग्मतीका लागि पृथु बाँस्कोटा र आदिल खानले अर्धशतकीय पारी खेलेका थिए । बाँस्कोटाले ९४ बलमा ८४ रनको योगदान दिएका थिए । यसक्रममा उनले दुई छक्का र १० चौका प्रहार गरका थिए ।
यस्तै खानले ८६ बलमा १० चौकाको मद्दतमा ६३ रन बनाएका थिए । कप्तान ज्ञानेन्द्र मल्लले ३२, विपीन आचार्यले ३२, पारस खड्काले २०, इशान पाण्डेले १७, आकाश थापाले १३ तथा रामनरेश गिरीले अविजित १० रन बनाएका थिए ।
बलिङतर्फ सुदूरपश्चिमका नारायण जोशीले तीन, भोजराज भट्ट र सन्तोष भट्टले दुई दुई तथा विनोेद लामाले एक विकेट लिएका थिए । तीन सय रनको विजय लक्ष्य पछ्याउने क्रममा सुदूरपश्चिमले २१ ओभरमा ११९ रन मात्र बनाउन सकेको थियो । सुदूरपश्चिमले ६ ओभर खेल्दा पाँच विकेट गुमाएको थियो । त्यो बेला उसको स्कोर १८ मात्र रहेको थियो । सुदूरपश्चिमका लागि नारायण जोशीले अविजित ४४, अर्जुन साउदले ३१ तथा किरण ठगुन्नाले २४ रन बनाएका थिए । बलिङतर्फ वाग्मती प्रदेशका रामनरेश गिरी एक्लैले चार विकेट लिएका थिए । उनले पाँच ओभर बलिङ गर्दै ३२ रन मात्र खर्चिएका थिए । यस्तै नन्दन यादवले दुई तथा दीपेश श्रेष्ठ, तिलक भण्डारी र विपीन आचार्यले एक एक विकेट लिएको थियो ।

Facebook Comments Box

ad ad