अध्यक्षले पुर्याए अशक्तलाई घरमै रातो कार्ड

समाज
  •  
  •  
  •  
  •  
  •  
  •  
  •  

रामेछाप । लामो समयदेखी अपाङ्गता भई घरमै थलिएका रामेछाप नगरपालिका वडा नं–८ कालिआँपका पोष्टजङ्ग थापालाई सो वडाका वडा अध्यक्ष केदार कार्कीले घरमा लगेर अपाङ्गता परिचय पत्र प्रदान गरेका छन् ।
रामेछाप नगरपालिका र मन्थली नगरपालिकाको सिमनामा रहेको कालिआँपसम्म सडक निमार्ण भएता पनि नियमित रुपमा यातायातका साधनहरु संचालन हुँदैनन् । यातायातका साधनहरु संचालन नहुँदा त्यस गाउँका अपाङ्गता भएका व्यक्तिहरु वडा कार्यालयसम्म सेवा लिन जान नसक्ने देखेपछि अपाङ्ग भएका व्यक्तिहरुको घर–घरमै पुगेर वडा अध्यक्ष कार्कीले अपाङ्गता परिचय–पत्र बितरण गरेका हुन् ।
शारीरिक रुपमा अशक्त भई वडा कार्यालयसम्म पनि सेवा लिन आउँन नसक्नेहरुको हकमा घरघरमै पुगेर सेवा दिने आफ्नो योजना अनुसार सबै अपाङ्गता भएका व्यक्तिहरुको घरमै पुगेर अपाङ्गता परिचय–पत्र बितरण गरेको रामेछाप नगरपालिका वडा नं–८ का वडा अध्यक्ष केदार कार्कीले जानकारी दिए ।


उनले भने– वडा कार्यालयसम्म सडक निमार्ण भएता पनि नियमति रुपमा यातायातका साधनहरु संचालन नहुँदा अशक्त र अपाङ्गहरु वडा कार्यालयसम्म आएर सेवा लिन सक्दैनन् । त्यसैले आफ्नो कार्यकालमा सबै अपाङ्ग र अशक्तहरुको घर–घरमै पुगेर सेवा दिन शुरु गरेको हुँ । यसबाट धेरै अशक्तहरुले मलाई आर्शिबाद समेत दिनुभएको अध्यक्ष कार्कीले बताए ।

Facebook Comments Box

  •  
  •  
  •  
  •  
  •  
  •  
  •  
ad ad