रामेछापको गेलुमा गाडी दुर्घटना, ५ जना घाइते, एकको अवस्था गम्भिर

बिशेष समाज

रामेछाप । रामेछापको मन्थली नगरपालिका वडा नं–११ गेलुको दधिनी भन्ने स्थानमा सोमवार साँझ बा १८ च ६९४३ नम्वरको सिङ्गल क्याभ बलेरो गाडी दुर्घटना हुँदा गाडीमा सबार ५ जना घाइते भएका छन् ।
घाइते मध्ये एकको अवस्था गम्भिर रहेकाले निजको घटनास्थलवाट उद्धार गरी सदरमुकाम मन्थलीमा रहेको तामाकोशी अस्पतालमा उपचारको लागि एम्वुलेन्स मार्फत पठाइएको मन्थली नगरपालिका वडा नं–११ गेलुका वडा सदस्य जितवहादुर तामाङ्गले जानकारी दिए ।
उनका अनुसार– घटनामा परि मन्थली नगरपालिकाका वडा नं–११ का तुलाध्वज मगर, बालकुमार अच्छामी मगर र टंकबहादुर अच्छामी मगर रहेका छन् । त्यस्तै मन्थली नगरपालिका वडा नं–१० का ललितबहादुर मगर र भिमवहादुर पुलामी मगर रहेका छन् । घाइते मध्ये भिमबहादुर मगरको अवस्था गम्भिर रहेको वडा सदस्य तामाङ्गले बताए ।
मन्थली नगरपालिकाको वडा नं–११ गेलुको नाटिलाबाट सोही वडाको डाँडागाउँ तर्फ जादै गरेको उक्त गाडी मन्थली नगरपालिकाको दधिनी भन्ने स्थानमा सडकवाट करिव ३५ मिटर तल भिरमा खसेको थियो । हाल घाइतेहरु मध्ये ३ जनालाई घटनास्थलवाट उद्धार गरी उपचारको लागि एम्वुलेन्स मार्फत मन्थली पठाइसकिएको र बाकी २ जनालाई पठाउन थप एम्वुलेन्स झिकाइएको वडा सदस्य तामाङ्गले जानकारी दिए ।
घटनाको जानकारी पश्चात मन्थलीवाट प्रहरी टोली घटनास्थल तर्फ गएको छ । घटनास्थल पुगेको प्रहरीले घटनाको बिषयमा थप अनुसन्धान थालेको जनाएको छ । गाडी चालक भने फरार रहेको प्रहरीले जनाएको छ ।

Facebook Comments Box
ad