रामेछाप । नेकपा एमाले रामेछापले जिल्ला विपद् व्यवस्थापन समितिको निर्णय विपरीत राहत वितरण गरेको भन्दै दोरम्बा सैलुङ गाउँपालिकाले विज्ञप्ति जारी गरेको छ । यही भाद्र ८ गते दोरम्बा सैलुङ गाउँपालिका वडा नं. ३ लेखर्कमा परेको अविरल वर्षाले ठुलो धन जनको क्षति भएको थियो । उक्त स्थानमा भएको जनजनको क्षतिको लागि राहत सङ्कलन, अस्थायी बसोबासका कार्यहरू भइरहेको छ । 

गाउँपालिकाको मिति २०८१÷०५÷१० गते, पालिका स्तरीय विपद् व्यवस्थापन मितिको बैठक र जिल्ला विपद् व्यवस्थापन समिति समेतको निर्णय अनुसार राहत वितरण कार्य गाउँ पालिकाको एकद्वारा प्रणाली मार्फत वितरण गर्ने भन्ने निर्णय भएको थियो । तर नेकपा एमालेले जिल्ला विपद् व्यवस्थापन समितिको निर्णय विपरीत आफ्नो खुसीले राहत वितरण गरेको भन्दै विज्ञप्ति जारी गरेको छ ।

विज्ञप्तिमा भनिएको छ “ दोरम्बा सैलुङ गाउँपालिकाको वडा नं. ३ लेखर्क भन्ने स्थानमा मिति २०८१ साल भाद्र ८ गते परेको अविरल वर्षाले ठुलो धन जनकोक्षति भएको ब्यहोरा सर्वविधितै छ । यस विषम परिस्थितिको कारण सिङ्गो गाउँपालिका – अत्यन्तै दुखित छ । यस दुखद घडीमा गाउँपालिकामा बसोबास गरिरहनु भएका दाजुभाइ तथा दिदी बहिनीहरू धैर्य धारण गरी सुरक्षित रहनुहुन समेत गाउँपालिका परिवार हार्दिक अनुरोध गर्दछौँ । उक्त स्थानमा भएको जनजनको क्षतिको लागि राहत सङ्कलन, अस्थायी बसोबासका कार्यहरू भइरहेको छ । गाउँपालिकाको मिति २०८१÷०५÷१० गते, पालिका स्तरीय विपद् व्यवस्थापन मितिको बैठक र जिल्ला विपद् व्यवस्थापन समिति समेतको निर्णय अनुसार राहत वितरण कार्य गाउँ पालिकाको एकद्वारा प्रणाली मार्फत वितरण गर्ने भन्ने निर्णय भएको ब्यहोरा सर्बबिधितै छ । यसै अवस्थामा नेकपा एमालेले निर्णय विपरीत आफ्नो खुसीले राहत वितरण गरेको भन्ने सुनिन आएकोले गाउँपालिकाको ध्यान आकर्षण भएको छ । यस विषम परिस्थितिमा राहत वितरण कार्यलाई व्यवस्थित ढङ्गबाट सञ्चालन गर्न सबै सङ्घ संस्था, नागरिक समाज, राजनैतिक दल, व्यक्ति तथा समुदायलाई गाउँपालिकाको निर्णय अनुसार राहत वितरण कार्यलाई सहयोग गरिदिनुहुन हार्दिक अनुरोध गर्दछौँ ”।

तर नेकपा एमाले रामेछापका अध्यक्ष पुरुषोत्तम कडरीयाले आफूले जिल्ला विपद् व्यवस्थापन समितिले गरेकै निर्णयलाई टेकेर दोरम्बा पुगेर राहत वितरण गरेको बताएका छन् । कडरीयाले भने “ जिल्ला विपद् व्यवस्थापन समितिले ४ नं. बुँदामा प्रस्ट लेखेको छ की गाउँपालिका मार्फत वा रोहवरमा राहत वितरण गर्नु । एमाले रामेछापले गाउँपालिकाले गरेको निर्णय मान्नु पर्ने हो र ? एमाले रामेछाप गाउँपालिकाको मातहतको कुनै निकाय होइन, नेकपा एमालेलाई गाउँपालिका के निर्णय गर्छ भन्ने कुराको के सरोकार ?”यता दोरम्बा सैलुङ गाउँपालिकाले प्रेस विज्ञप्ति जारी गर्दै एमाले रामेछापले आफ्नो मर्जीले राहत वितरण गरेको बताएको छ ।

भाद्र ८ गते शनिबार परेको अबिरल बर्षा संगै आएको पहहिरोमा परि ८ जनाको ज्यान गएको पुष्टि भएका छन् भाने दुइजना अझै बेपत्ता रहेका छन् । उनिहरुको खोजि कार्य जारी छ । पहिरोमा परी ३ घर वगाँउनका साथै १ घर पुरीदा हराइरहेका १० जना मध्ये मंगलवार सम्म ८ जनाको सनाखत भैसकेका जिल्ला प्रहरी कार्यालय रामेछाप जानकारी दिएको छ ।