रामेछाप । पूर्व विद्यार्थीहरुले प्रयागेश्वर माध्यमिक बिद्यालयका प्रधानाध्यपकको कार्यकक्षलाई आवश्यक पर्ने विभिन्न सामग्रीहरु हस्तान्तरण गरेका छन् ।
विद्यालयबाट ०५१ सालमा एसएलसी दिएका पूर्व विद्यार्थीहरुले प्रअ हरिनारायण श्रेष्ठको कार्यकक्षका लागि आवश्यक सोफा, दराज, कार्पेट, कुर्चि, टेवुल लगायतका सामग्रीहरु हस्तान्तरण गरेको सचिव रामकुमार कार्कीले बताउनु भयो । बिद्यालय छाडेको लामो समयपछि ०५१ सालको व्याजीहरुले विद्यालयका सवै शिक्षकहरुलाई सम्मान पत्र तथा दोसल्ला ओडाएर सम्मान समेत गरेको कार्कीले जानकारी दिनु भयो ।
आफुहरुले भौतिक पूर्वाधारको अभावमा दुःख संग पढ्नु परेको अनुभव संगालेका पूर्व बिद्याथीहरुले शिक्षकहरुको मनोवल उच्च भए मात्र पठन पाठन राम्रो हुने भएकाले आफुहरुले भोगेको जस्तो दुःख अबको पुस्ताले भोग्नु नपरोस भनेर विद्यालयलाई करिव २ लाख बराबरको सामग्री सहयोग गरेको पूर्व विद्यार्थीहरुले जनाएका छन् । बिद्यालयमा सम्मानित भएपछि शिक्षकहरुमा पनि खुशियाली छाएको थियो ।
पूर्व बिद्यार्थी सरस्वति के.सी.को अध्यक्षतामा सम्पन्न कार्यक्रममा प्रमुख अतिथिको आसनबाट बोल्दै बिद्यालयका पूर्व प्रअ सिताराम भण्डारीले ०५१ को व्याजीले राम्रो कामको शुरुवात गरेकालले अन्य पूर्व व्याजीहरुले पनि यस्ता काम गरेर नमुना प्रर्दशन गर्नु पर्नेमा जोड दिनुभयो । कार्यक्रममा बिद्यालयका प्रअ हरिनारायण श्रेष्ठ, पूर्व विद्यार्थीहरु राधाकृष्ण खड्का, टंकप्रसाद ढुंगेल, पुष्कर कार्की, राजकुमार घिसिङ्ग, ओमप्रकाश श्रेष्ठ, खिलानाथ ढुंगेल, राजेश कार्की लगायतका बक्ताहरुले मन्तव्य राख्नु भएको थियो ।
