रामेछाप । नेपाल रेडक्रस सोसाइटी जिल्ला शाखा रामेछापका पदाधिकारीहरुको पदअवधि सकिएको लामो समयपछि नेपाल रेडक्रस सोसाइटी केन्द्रिय कार्यालयले रामेछाप शाखामा तर्दथ समिति गठन गरेको छ ।
नेपाल रेडक्रस सोसाइटी केन्द्रयि कार्यसमितिको बैठकको निर्णयअनुसार नेपाल रेडक्रसको प्रचलित निधानको दफा ३५(१) वमोजीम रेडक्रस सोसाइटी रामेछाप शाखाको संयोजकमा जयप्रकाश श्रेष्ठको संयोजकत्वमा १५ सदस्यीय जिल्ला तर्दथ समिति गठन गरेको हो । संयोजक श्रेष्ठ यसअघि सोही शाखाको मन्त्री पदमा कार्यरत रहेका थिए ।
नेपाल रेडक्रस सोसाइटी जिल्ला शाखा रामेछापका पदाधिकारीहरुको २०७६ साल माघ महिनामा पदअवधि समाप्त भएको थियो । पदाधाकारीहरुको म्याद सकिएपछि तत्काल निर्वाचन गरेर पदपूर्ति गर्नुपर्नेमा रेडक्रस केन्द्रीय कार्यालयलले विभिन्न बहानाबाजी गर्दै १ वर्ष म्याद थप गरेको थियो ।
रेडक्रस केन्द्रिय कार्यालयले पदाधिकारीहरुको पथ गरिएको म्याद पुनः समाप्त भएपछि विश्वभर फैलिएको कोरोना महामारी देखाउँदै निर्वाचन गराउन सकेको थिएन । हाल गठन गरेको जिल्ला तर्दथ समितिले आगामी तीन महिनाभित्र निर्वाचन सम्पन्न गराएर कार्यसमितिमा पूर्णता दिनुपर्ने गरि आफुलाई जिम्मेवारी दिएर पठाएको नेपाल रेडक्रस सोसाइटी जिल्ला शाखा तर्दथ समितिका संयोजक जयप्रकाश श्रेष्ठले जानकारी दिए ।
समयअवधी सकिएका नेपाल रेडक्रस सोसाइटी रामेछाप, सिन्धुपाल्चोक, स्याङजा, भक्तपुर, म्याग्दी र कालिकोट शाखाले पनि एकैपटक निर्वाचन गर्ने गरि नेपाल रेडक्रस सोसाइटी केन्द्रिय कार्यालयले जिल्ला तर्दथ समिति गठन गरेर सबै जिल्लामा पठाइएको सो संस्थाले जनाएको छ ।
