रामेछाप । जिल्लामा विभिन्न घटना दुर्घटनामा परि गएको एकवर्ष भित्र (२०७६ पुस देखी २०७७ पुस मसान्तसम्ममा) ९७ जनाले ज्यान गुमाएका छन् ।
जिल्ला प्रहरी कार्यालय रामेछापले गएको एकवर्ष भित्र भएको दुर्घटना र घटनाहरुमा परि ज्यान जानेहरुको संख्या सार्वजनिक गरेको तथ्याङ्कमा सो कुरा उल्लेख गरेको छ । प्रहरीको रेकर्ड अनुसार भिर÷रुखबाट लडेर महिला २ र पुरुष १४ जना गरि १६ जनाले अकालमा ज्यान गुमाएका छन् । त्यस्तैगरी खोला÷नदीले बगाएर महिला २ र पुरुष ५ जना गरि ७ जनाले ज्यान गुमाएका छन् ।
त्यस्तै करेन्ट÷आगोले जलेर पुरुष ४ जनाको ज्यान गएको छ भने कुकुरले टोकेर १ जना महिलाको ज्यान गएको प्रहरीे कार्यालयको रेकर्डमा देखिन्छ । त्यस्तैगरी सबैभन्दा बढी आत्महत्या गरि ज्यान गुमाउनेको संख्या उल्लेख्य रहेको छ । रामेछापमा एकवर्ष भित्र आत्महत्या गरी ज्यान गुमाउनेको संख्या महिला २६ र पुरुष २८ गरि कुल ५४ जनाले ज्यान गुमाएका छन् ।
त्यसैगरी सवारी दुर्घटनामा परि महिला ३ र पुरुष ६ गरि ९ जनाले ज्यान गुमाएका छन् । त्यस्तै कर्तव्य गरि मारिएका १ महिला र १ पुरुष गरि २ को ज्यान गएको छ भने गर्भपतन गरि १ बालकको ज्यान गएको छ भने बेबारिसे अवस्थामा ३ पुरुषको शब फेला परेको जिल्ला प्रहरी कार्यालय रामेछापले जनाएको छ ।
जिल्लामा धेरै मात्रामा आत्महत्या गर्नेको संख्या अत्याधिक मात्रामा रहेकाले यसलाई न्युनीकरण गर्न स्थानिय निकायहरुसँगको समन्वयमा विभिन्न सचेतिकरणका कार्यक्रमहरु संचालन गर्ने गरि योजना अघि वढाइएको जिल्ला प्रहरी कार्यालय रामेछापका प्रहरी नायव उपरिक्षक नबराज ढुंगानाले जानकारी दिए ।