रामेछापमा वर्षको पहिलो दिन ४ दुर्घटना

रामेछाप । रामेछाप जिल्लामा वर्षको पहिलो दिन २०८१ साल वैशाख १ गते ४ वटा घटना घटेको छ । शनिवार १ गते खाँडादेवी मन्दिर दर्शन गरेर फर्कने क्रममा गाउँपालिकाको वडा नम्बर ३ मा भ्यान दुर्घटना भएको छ । दुर्घटनामा १० जना घाइते भएका छन् । त्यस्तै गरी मन्थली नगरपालिका–१३ देविटारस्थित कमलराज गिरीको घरमा आगलागी भएको छ । आगलागी हुँदा ९ लाख रुपैयाँ बराबरको क्षति भएको छ । त्यस्तै गरी गोकुलगङ्गा गाउँपालिका–२ टगमका एक महिला घरको बरन्डाबाट लडेर घाइते भएकी छन् । गोकुलगङ्गा गाउँपालिका–३ सुर्केका ५५ वर्षीय पदमबहादुर सुनुवारले आत्महत्या गरेका छन् । सुनुवारले आफ्नै घर नजिकै रहेको गोगनको रुखमा नाइलनको डोरीले घाँटीमा पासो लगाइ झुन्डिएर आत्महत्या गरेको जिल्ला प्रहरी कार्यालय रामेछापले जानकारी दिएको छ ।

१) खाँडादेवी दर्शन गरी फर्केको भ्यान दुर्घटना

रामेछाप जिल्लाको खाँडादेवी मन्दिर दर्शन गरेर फर्कने क्रममा सोही गाउँपालिकाको वडा नम्बर ३ मा ई.भी.भ्यान दुर्घटना भएको छ । मन्दिर दर्शन गरी बनेपातर्फ जाँदै गरेको बा ४ ख २०६० नम्बरको ई.भि. भ्यान ब्रेक फेल भई दुर्घटना भएको जिल्ला प्रहरी कार्यालय रामेछापले जानकारी दिएको छ ।

दुर्घटनामा परी १० जना घाइते भएका छन् । दुर्घटनामा काभ्रे जिल्ला बनेपा नगरपालिका–१० बनेपाकी वर्ष ३७ कि सरिता दाहालको बायाँ हात भाँचिएको छ । सोही ठाउँका वर्ष ५६ का हरीशङ्कर दाहालको बायाँ हात भाँचिएको छ भने बिन्दा तिमल्सिनाको अगाडीको ३ वटा दाँत भाँचिनुका साथै अनुहारमा समेत चोट लागेको प्रहरीले जनाएको छ । सोही ठाउँका आर्सु थापाको कम्मरको बिच भाग नचल्ने भएको प्रहरीले जानकारी दिएको छ ।

सोही भ्यानमा सवार सरिता थापा, सुमित्रा थापा, समीर दाहाल, अनुसा के.सी. धुर्व खतिवडा र प्रगति पाण्डेको अवस्था भने सामान्य रहेको प्रहरीले जनाएको छ । घाइतेहरूलाई उपचारको लागि धुलिखेल अस्पताल काभ्रे पठाइएको प्रहरीले जनाएको छ ।

प्रहरीका अनुसार दुर्घटनामा परेको भ्यान सडकबाट करिब ५० मिटर तल गरेको थियो । दुर्घटना भए लगत्तै प्रहरी चौकी बेथान सित्खाबाट प्रहरी हवलदार नानीबाबु थापाको कमान्डको प्रहरी घटनास्थलमा पुगेको थियो । सवारी चालक ललितपुर जिल्ला गोदावरी नगरपालिका–१ गोदावरीका वर्ष ४३ का सागर कुँवरलाई प्रहरीले नियन्त्रणमा लिएको छ ।

२) देवीटारमा आगलागी हुँदा ९ लाख क्षति

रामेछाप जिल्लाको मन्थली नगरपालिका–१३ देविटारस्थित कमलराज गिरीको घरमा आगलागी हुँदा ९ लाख रुपैयाँ बराबरको क्षति भएको छ । गिरीको इटाले बनेको जस्ताको छानो भएको ४ कोठा रहेको घरमा आगलागी हुँदा २ वटा कोठा पूर्णरुपमा क्षति भएको छ । 

उक्त घरमा दोलखा जिल्लाको मेलुङ गाउँपालिका–५ का लेबर काम गर्ने खड्कबहादुर श्रेष्ठ र रामबहादुर खड्का बस्दै आएका थिए । उनीहरूले खाना पकाउने क्रममा ग्याँसको पाइप छुट्टिएर आगलागी भएको जिल्ला प्रहरी कार्यालय रामेछापले जानकारी दिएको छ । आगलागी हुँदा घरको २ वटा कोठा पूर्णरुपमा क्षति भएको, काठ र जस्तापूर्ण रूपमा क्षति भएको, ५ वटा ढोका र ४ वटा झ्याल, ६ वटा खाट जलेको प्रहरीले जनाएको छ । त्यस्तै भाँडा वर्तन, अन्नपात, तेल १ कार्टुन गरी अन्दाजी ९ लाख रुपैयाँ बराबरको क्षति भएको जिल्ला प्रहरी कार्यालय रामेछापले जनाएको छ । आगलागी भएको जनकारी आउन साथ प्रहरी टोली घटना स्थलतर्फ गएको थियो । आगो प्रहरीको सहयोगमा नियन्त्रण लिइएको थियो । उक्त घटनाबारे थप अनुसन्धान भइरहेको प्रहरीले जनाएको छ ।

३) घरको भरण्डाबाट लडेर महिला घाते   

रामेछाप जिल्लाको गोकुलगङ्गा गाउँपालिका–२ टगमका एक महिला घरको बरन्डाबाट लडेर घाइते भएकी छन् । आफ्नै घरमा पालेको कुखुरा स्यालले लगेपछि स्याललाई लखेट्न भनी उठ्ने क्रममा एकतले घरको बरन्डाबाट लडी गोकुलगङ्गा–२ की ३६ वर्षीय सुनिता कार्की घाइते भएकी हुन् । बरन्डाबाट लडेकी कार्कीको टाउकोमा चोट लाग्नुका साथै नाकबाट रगत बगिरहेको अवस्था मध्यम जिरी अस्पताल दोलखा लगिएको थियो । दोलखामा उपचार हुन नसकेपछि थप उपचारको लागि काठमाडौँ लगिएको जिल्ला प्रहरी कार्यालय रामेछापले जानकारी दिएको छ ।

४) ५५ वर्षीय पुरुषद्वारा आत्महत्या

 रामेछाप जिल्लाको गोकुलगङ्गा गाउँपालिका–३ सुर्केका ५५ वर्षीय पदमबहादुर सुनुवारले आत्महत्या गरेका छन् । सुनुवारले आफ्नै घर नजिकै रहेको गोगनको रुखमा नाइलनको डोरीले घाँटीमा पासो लगाइ झुन्डिएर आत्महत्या गरेको जिल्ला प्रहरी कार्यालय रामेछापले जानकारी दिएको छ ।

सुनुवारले रुखमा झुन्डिएर आत्महत्या गरेको जानकारी पाए लगत्तै प्रहरी चौकी गोकुलगङ्गाबाट प्रहरी टोली घटना स्थलमा पुगेको थियो । घटना स्थलको मुचुल्का गरी घटनाको थप अनुसन्धानका लागि जिल्ला प्रहरी कार्यालय रामेछापबाट प्रहरी निरीक्षक दिनेश थापाको नेतृत्वमा प्रहरी टोली घटनास्थल तर्फ भएको जिल्ला प्रहरी कार्यालय रामेछापले जनाएको छ ।

Related Articles

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप । नेपाली काँग्रेस रामेछापको महासमिति सदस्यका लागी २१ जनाले उम्मेदवारी दर्ता गराएका छन् । जम्मा ११ महासमिति सदस्य चयन हुन पर्नेमा २१ जनाले उम्मेदवारी दिएको निर्वाचन समितिले जनाएको छ ।  महिला महासमिति सदस्य र दलित महासमिति सदस्यको लागी भने एक एक महाधिवेशन...

कार्की पुनः काँग्रेसमा प्रवेश 

कार्की पुनः काँग्रेसमा प्रवेश 

रामेछाप । नेपाली काँग्रेस मन्थली नगरपालिका वडा नम्बर १० का युवा नेता ईश्वरी कुमार कार्की पुनः नेपाली काँग्रेसमा प्रवेश गरेका छन् । कार्कीलाई शनिवार नेपाली काँग्रेसका पूर्व पार्टी सभापति रामचन्द्र पौडेलले खादा लगाएर नेपाली काँग्रेसमा प्रवेश गराएका छन् । कार्कीले...

रामेछाप जेसीज २०२४ को अध्यक्षमा सन्तोष खत्री

रामेछाप जेसीज २०२४ को अध्यक्षमा सन्तोष खत्री

रामेछाप । रामेछाप जेसीज २०२४ को अध्यक्षमा जेसी सन्तोष खत्री निर्विरोध निर्वाचित भएका छन् । शुक्रवार सम्पन्न रामेछाप जेसीज १० औँ शाखाको अधिवेशन बाट खत्री निर्विरोध निर्वाचित भएका हुन् । कार्यकारिणी उपाध्यक्षमा जेसी कुमार श्रेष्ठ , र जेसी संगीता श्रेष्ठ कानुनी...

३ जना सवारी चालक प्रहरी नियन्त्रणमा

३ जना सवारी चालक प्रहरी नियन्त्रणमा

रामेछाप । लागु पदार्थ सेवन ( ला.प.से.) गरी सवारी चलाउने ३ जना सवारी चालकलाई जिल्ला ट्राफिक प्रहरी कार्यालय रामेछापले नियन्त्रणमा लिएको छ ।आइतबार दिउसो मन्थली अस्पतालको समन्वयमा मन्थली नगरपालिका वडा नं.१ भैशेश्वरमा गरिएको लागु पदार्थ सेवन सम्पन्धी चेक जाँचको क्रममा तिन...

गौरीशंकर बहुमुखी क्याम्पसको नयाँ भवन बन्दैं

गौरीशंकर बहुमुखी क्याम्पसको नयाँ भवन बन्दैं

रामेछाप । रामेछापको पुरानो सदरमुकाम रामेछापमा रहेको गौरीशंकर बहुमुखी क्याम्पसको नयाँ भवन निर्माण हुने भएको छ । आफ्नो भवन हुदाँ हुदै पठन पाठनमा समस्यामा व्यहोर्दै आएको क्याम्पसले अब भने सुविद्या सम्पन्न भवन पाउँने भएको छ । भवन निर्माणको लागि विश्व विद्यालय अनुदान...

मन्थली नगरपालिकाको सहयोगमा कपडा डिजाइन सम्बन्धि तालिम शुरु

मन्थली नगरपालिकाको सहयोगमा कपडा डिजाइन सम्बन्धि तालिम शुरु

रामेछाप । मन्थली नगरपालिकाको सहयोगमा जिल्ला सदरमुकाम मन्थलीमा १५ दिने एडभान्स लेडिज फेसन डिजाइन कटिङ तथा सिलाई तालिम सुरु भएको छ । नगरपालिकाको सहयोगमा नेपाल कपडा तथा सिलाई व्यवसायी संघ रामेछापको आयोजनामा जिल्ला भित्र व्यवसायी रूपमा काम गर्दै आएका २० जना महिलाहरूको...