रामेछाप नगरपालिका वडा नम्बर ८ बावियाखर्कमा सहरी स्वास्थ्य केन्द्रको आज एक कार्यक्रम बिच उद्घाटन गरिएको छ । सहरी स्वास्थ्य केन्द्रको उद्घाटन गर्दै कोरोना भाइरस संक्रमणको कारण नगरपालिकाले स्वास्थ्य क्षेत्रमा गर्नुपर्ने धेरै कामहरु प्रभावीत भएको भन्दै त्यसलाई छिटै कार्यन्वयनमा लैजाने नगर प्रमुख नर बहादुर थापामगरले बताउनु भयो । गत वर्ष स्वास्थ्य क्षेत्रमा हामीले जे जती काम गर्न पर्थ्यो त्यो सकेनौ त्यसलाई यस बर्ष पुर्णता दिन्छौ नगर प्रमुख मगरले भन्नु भयो । नगरले स्वास्थ्य, शिक्षा कृषि र पर्यटनको क्षेत्रमा महत्वपुर्ण कार्य गरेको भन्दै आफुलाई काम गर्न सहज बातावरण बनाउने जनप्रतिनिधी, कर्मचारी राजनिती दलका प्रतिनिधी र नगरवासीलाई धन्यवात दिदै आगामी दिनमा पनी यस्तै साथ सहयोगको अपेक्षा लिएको बताउनु भयो ।
त्यस्तै वडा नम्बर ८ का वडा अध्यक्ष केदार कार्कीले नागरीकहरुलाई स्वास्थ्य सेवाको सर्वसुलभ पहुचमा ल्याउन सहरी स्वास्थ्य केन्द्रले महत्वपुर्ण भुमिका खेल्ने बताउनुभयो । उहाँले वडा कार्यालयले जेष्ठ नागरीक , अपाङ्ग र अशक्त व्यक्तिहरुलाई निशुल्क एमबुलेन्स सेवा पनी प्रदान गर्दै आएको जानकारी गराउनु भएको थियो । सहरी स्वास्थ्य केन्द्र सँचालनमा आएपछि वडा नम्बर ८ का बावियाखर्क, डुम्रिखर्क र सल्लेका स्थानियहरुलाई फाईदा पुग्ने विस्वास रहेको बताउनु भयो । स्वास्थ्य केन्द्रबाट नियमितरुपमा गर्भवती जाँच, सुकेरी जाँच, परिवार नियोजनका साधन, परामर्श, खोप जस्ता सेवाहरु दैनिक रुपमा प्रदान गरिने नगरपालिकाका स्वास्थ्य संयोजक विष्णु बहादुर कार्कीले बताउनु भयो । सहरी स्वस्थ्य केन्द्रको उद्धघाटन कार्यक्रममा उपस्थित ओमकार घिमिरे, हरि कुमार कार्की , शिव प्रसाद घिमिरे , नारायण घिमिरे लगायतले स्वास्थ्य केन्द्र सन्चालनमा आएपछि आफुहरु लाई निकै फाईदा पुग्ने भन्दै खुशि व्यक्त गरेका थिए ।
