मन्थली नगरमा लिलाराजको सधै लिला

Written by meropradesh creator

१५ जेष्ठ २०७९, आईतवार

रामेछाप । सरकारले सरकारी कार्यालयले गर्ने सबै खालका कामहरु नागरिकमैत्री र पारदर्शी हुनु पर्ने जनाएको भएपनि मन्थली मन्थली नगरपालिकाका प्रमुख प्रशासकिय अधिकृत लिलाराज पौडेलले भने त्यसको धज्जी उडाउँदै आएका छन् ।

कार्यालय भित्र दैनिक जसो उनले कुशासनमुखि लिला देखाउँदै आएका कारण नगरका नागरिकहरु पनि हैरानी ब्यहोर्न बाध्य छन् । आफु मात्रै क्षमतावान र सर्वेसर्वा भएको र बाँकी कसैलाई पनि मान्छे नगन्ने स्वभाबका पौडेलको ब्यवहारले मन्थली नगरका सर्वसाधारण समेत हैरानीमा परेका छन् ।

जिल्ला भरिका प्रशासकिय प्रमुख मध्ये मुद्रामैत्री प्रमुखको रुपमा आफनो पहिचान बनाएका पौडलले सरकारी नियमको धज्जी उडाउँदै सिमित कर्मचारीसँगको सेटिङमा दैनिक ढोका थुनेर गोप्य रुपमा कामकाज गर्दै आएका छन् ।


जसकाकारण आफनो काम लिएर आउने सर्वसाधारण सेवाग्राहिलाई पनि प्रमुखको कार्यालय तारबार गरेको कोठा जत्तिकै हुँदै आएको छ । जनतालै तिरेको कर बाट तलबभत्ता खाँदै आएका पौडेल सर्वसाधारण सेवाग्राहिहरुको गुनासो सुन्ने कुरामा पनि निकै पछाडी रहेको र सुनुवाई भएकाहरु पनि धेरै जसो उनको ब्यवहारबाट असन्तुष्टि हुँदै आएका छन् ।

सार्वजनिक पदमा बसेका अधिकृत पौडेललाई विभिन्न काम लिएर गएका सेवाग्राहीले सहज ढंगले भेट्नसम्म नपाउने गरेको गुनासो गरेका छन् । आफनो कामको शिलशिलामा नगरपालिका पुगेका मन्थली नगरपालिका वडा नं १४ का हर्कबहादुर चौहानले भने कार्यालयमा २ पटक पुग्दा पनि प्रमुखको कार्यकक्ष बन्द थियो । ढोकामा बसेका कार्यालय सहयोगिले सर, अहिले ब्यस्त हुनु हुन्छ भन्दै फकाई दिएपछि आफु कामै नगरि घर फर्केको पनि चौहानले गुनासो गरे ।

कार्यालय श्रोतका अनुसार प्रमुख पौडेलले जैले पनि लेखा अधिकृत, योजना र स्टोर शाखाका कर्मचारीहरुसँगको सेटिङ्गमा ढोका थुनेर अपारदर्शि ढंगले काम गर्दै आएका छन् । तर पनि यस बारेमा कसैको ध्यान जान सकेको छैन् । श्रोत भन्छ मन्थली नगरपालीका भनेको सानालाई ऐन र ठुलालाई चैन हुने ठाउँ भएको कार्यालय भएकोले यसमा हामिले बोलेर पनि केहि हुनेवाला छैन् ।

स्थानिय निकाय भनेको नागरिकहरु जमघट हुने र प्रायजसो उनीहरुकै काम पर्ने कार्यालय हो । कार्यालयमा दैनिक सयौं सेवाग्राहीहरु बिभिन्न गुनासो लिएर भेट गर्न आउँछन् । त्यो बेलामा उनीहरुको गुनासो सुनेर कार्यान्वयन गर्नु कार्यालय प्रमुखको कर्तब्य हो । तर नगरको हाकिमको ब्यवहारले पारदर्शिता सहितको शुसासनलाई तामाकोशि नदिमा बगाई दिएको नागरिक अगुवा विरेन्द्र श्रेष्ठ बताउँछन् । सर्वसाधारणको काम गर्नु त कता हो कता सधै कोठामा ढोकाथुनेर कर्मचारीहरुको विचमा गोप्यरुपमा गरेको कामलाई नागरिकहरुले अर्थपूर्ण रुपमा हेरेको पनि श्रेष्ठको आरोप छ ।


यस बारेमा नेपाल पत्रकार महासंघका पुर्व अध्यक्ष समेत रहेका नागरिक अगुवा हिमाल ढुंगेलले कार्यालय प्रमुखलाई कार्यालय समयमा ढोका लगायर बस्ने छुट नभएको बताए । यदि त्यसो हो भने प्रमुखले आफनो कामलाई तत्काल सच्याएर नागरिक मैत्री ब्यवहार देखाउन पनि उनले आग्रह गरे ।

कार्यालय प्रमुखको कपटपुर्ण र अपारदर्शि ब्यवहारको सन्र्दर्भमा राष्ट्रिय सूचना आयोग केन्द्रिय कार्यालमा सम्पर्क गर्दा आयोगका सूचना अधिकृत सम्पर्कमा आए । संजिब अधिकारी नाम रहेका उनले प्रमुखको उक्त ब्यवहार सूसासनमैत्री र पारदर्शि नभएको वताए । प्रमुख ढोका लगाएर बसेको कुराले सरकारको खुल्ला निति पारदर्शिता नागरिक प्रति बफादार नदेखिएकोले तत्काल उनलाई कार्यालयले आफनो कदम सच्याउने निर्देशन दिने पनि बताए ।

कार्यालय प्रमुखको ब्यवहारका बारेमा आएको गुनासाको बारेमा मन्थली नगरका नवनिर्वाचित नगर प्रमुख लब श्रेष्ठले आफले भर्खरै नगरको काम आरम्भ गरेको र कार्यालय भित्रको आन्तरिक धेरै कुराको बारेमा आफुलाई जानकार भैनसकेको वताए । उनले भने तै पनि यो विषयमा मैले गहिरिएर बुझने र आबश्यक निर्देशन दिने बताए ।

Related Articles

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप । नेपाली काँग्रेस रामेछापको महासमिति सदस्यका लागी २१ जनाले उम्मेदवारी दर्ता गराएका छन् । जम्मा ११ महासमिति सदस्य चयन हुन पर्नेमा २१ जनाले उम्मेदवारी दिएको निर्वाचन समितिले जनाएको छ ।  महिला महासमिति सदस्य र दलित महासमिति सदस्यको लागी भने एक एक महाधिवेशन...

कार्की पुनः काँग्रेसमा प्रवेश 

कार्की पुनः काँग्रेसमा प्रवेश 

रामेछाप । नेपाली काँग्रेस मन्थली नगरपालिका वडा नम्बर १० का युवा नेता ईश्वरी कुमार कार्की पुनः नेपाली काँग्रेसमा प्रवेश गरेका छन् । कार्कीलाई शनिवार नेपाली काँग्रेसका पूर्व पार्टी सभापति रामचन्द्र पौडेलले खादा लगाएर नेपाली काँग्रेसमा प्रवेश गराएका छन् । कार्कीले...

रामेछाप जेसीज २०२४ को अध्यक्षमा सन्तोष खत्री

रामेछाप जेसीज २०२४ को अध्यक्षमा सन्तोष खत्री

रामेछाप । रामेछाप जेसीज २०२४ को अध्यक्षमा जेसी सन्तोष खत्री निर्विरोध निर्वाचित भएका छन् । शुक्रवार सम्पन्न रामेछाप जेसीज १० औँ शाखाको अधिवेशन बाट खत्री निर्विरोध निर्वाचित भएका हुन् । कार्यकारिणी उपाध्यक्षमा जेसी कुमार श्रेष्ठ , र जेसी संगीता श्रेष्ठ कानुनी...

गस्तीमा खटिएका दुई जना प्रहरीको मोटरसाइकल दुर्घटनामा ज्यान गयो

गस्तीमा खटिएका दुई जना प्रहरीको मोटरसाइकल दुर्घटनामा ज्यान गयो

रामेछाप । सिन्धुलीमा गस्तीमा खटिएका दुई जना प्रहरीको मोटरसाइकल दुर्घटना हुँदा ज्यान गएको छ । सिन्धुलीको फिक्कल गाउँपालिका –५ झगडेँबेसी स्थित भित्री कच्ची सडकखण्डको सोल्पाडाँडाबाट प्रहरी चौकी तर्फ फर्कने क्रममा प्रदेश ३–०२–००१ ब ४७९ नम्बरको मोटरसाइकल दुर्घट्ना हुदा दुई...

३ जना सवारी चालक प्रहरी नियन्त्रणमा

३ जना सवारी चालक प्रहरी नियन्त्रणमा

रामेछाप । लागु पदार्थ सेवन ( ला.प.से.) गरी सवारी चलाउने ३ जना सवारी चालकलाई जिल्ला ट्राफिक प्रहरी कार्यालय रामेछापले नियन्त्रणमा लिएको छ ।आइतबार दिउसो मन्थली अस्पतालको समन्वयमा मन्थली नगरपालिका वडा नं.१ भैशेश्वरमा गरिएको लागु पदार्थ सेवन सम्पन्धी चेक जाँचको क्रममा तिन...

गौरीशंकर बहुमुखी क्याम्पसको नयाँ भवन बन्दैं

गौरीशंकर बहुमुखी क्याम्पसको नयाँ भवन बन्दैं

रामेछाप । रामेछापको पुरानो सदरमुकाम रामेछापमा रहेको गौरीशंकर बहुमुखी क्याम्पसको नयाँ भवन निर्माण हुने भएको छ । आफ्नो भवन हुदाँ हुदै पठन पाठनमा समस्यामा व्यहोर्दै आएको क्याम्पसले अब भने सुविद्या सम्पन्न भवन पाउँने भएको छ । भवन निर्माणको लागि विश्व विद्यालय अनुदान...