मध्यपहाडीको काम समयमा नसक्दा दैनिक ४० हजार जरिवाना तिर्दै व्यवसायी

Written by meropradesh creator

१२ बैशाख २०७८, आईतवार

रामेछाप । रामेछाप भित्र पर्ने मध्यपहाडी राजमार्गको ४५ किलोमिटर सडक निमार्ण गर्ने जिम्मा लिएका निमार्ण व्यवसायीले सम्झौता गरेको समयसिमामा सम्पन्न गर्न नसक्दा दैनिक ४० हजार रुपैयाँ जरिवाना तिर्दै सडक निमार्णमा जुटेका छन् ।
रामेछापभित्र पर्ने मध्यपहाडी सडक खण्डको काम गर्ने गरि निमार्ण व्यवसायीले २०७३ साल असारमा आयोजना कार्यालयसँग ठेक्का सम्झौता गरि निमार्ण कार्य शुरु गरेका थिए । मध्यपहाडी राजमार्ग अन्तर्गत रामेछाप सुनकोशी नदि किनार हुँदै छिमेकी जिल्ला काभ्रेको चौरीखोलासम्म जोड्ने सडकको कामको जिम्मेवारी लिएका निमार्ण व्यवसायीहरुले समयमा काम सम्पन्न गर्न नसक्दा उक्त सडकको काम दुईवर्ष ढिला भएको छ ।
रामेछाप भित्र पर्ने मध्यपहाडी राजमार्गको ४५ किलोमिटर सडक निमार्णको ट्रयाक खोल्ने काम २०७६ सालभित्रै सम्पन्न गरिसक्ने गरि ७२ करोड रुपैयाँको लागतमा निमार्ण व्यवसायीहरुसँग सम्झौता भएको थियो । सडक निमार्ण गर्ने जिम्मेवारी पाएका काष्ठमण्डम निमार्ण सेवा, सिद्धबाबा आधार निमार्ण सेवा, वन्धन भगवती जेभी र मध्यदान कन्ट्रक्सन कम्पनीले आयोजनासँग ठेक्का सम्झौता गरेका थिए । ठेक्का सम्झौता गर्ने कम्पनीमध्ये काष्ठमण्डम निमार्ण सेवा कम्पनीले तोकिएको समयमा १०.२ किलोमिटर सडकको काम सम्पन्न गरि आयोजना कार्यालयलाई हस्तान्तरण गरेको छ । बाँकी निमार्ण व्यवसायीहरुले ठेक्का सम्झौतापछि आयोजना कार्यालयसँग सम्पर्क विहिन भएर बसेपछि आयोजनाको काम प्रभावित भएको थियो ।


आयोजना कार्यालयसँग सम्र्पक बाहिर रहेका निमार्ण व्यवसायीको समयसिमा सकिएपछि कार्यालयले धमाधम व्यवसायीको फर्म कालोसूचिमा निकाल्न थालेपछि व्यवसायीले प्रतिनिधि पठाएर काममा जुटेका हुन् । मध्यपहाडी आयोजना कार्यालयसँग निमार्ण व्यवसायीले सम्झौता गरेअनुसारको काम समयमा पुरा गर्न नसक्दा अहिले दैनिक ४० हजार जरिवाना तिरेर भएपनि उक्त काम पुरा गर्न आफु लागि परेको सिद्धबाबा आधार निमार्ण सेवाका प्रतिनिधि हरीविक्रम थापाले जानकारी दिए ।
उनले भने– निमार्ण व्यवसायीको सानो लापरवाहीको कारण अहिले यतिधेरै रकम तिर्नु परेको छ । कम्पनीले जिम्मा लिएको १४ किलोमिटर सडक मध्ये धेरै ठाउँमा भिर र ढुङ्गाको चट्याङ् भएका कारण ब्लाष्टिङ नगरी उक्त सडक निमार्ण गर्न समस्या छ । जसरी भएपनि जे–जती सकिन्छ आफुले जिम्मेवारी लिएको काम एक महिनाभित्र पुरा गरेर आयोजना कार्यालयलाई हस्तान्तरण गर्ने गरि काम तिव्र गतिमा अघि वढाएको व्यवसायी थापाले बताए ।
निमार्ण व्यवसायीले ठेक्का सम्झौता गरेपछि समयमा काम सम्पन्न नगरेपछि रामेछापका स्थानिय युवाहरुले निमार्ण समयमा सक्न निमार्ण व्यवसायीहरुलाई दवाव सिर्जना गरेका छन् । केही युवाहरुले निर्माणको क्रममा परेका समस्याहरुको समाधान गर्न निमार्ण व्यवसायीहरुसँगको समन्वयमा अधुरा कामहरु पुरा गर्न लागि परेको युुवा व्यवसायी अक्षयकुमार खत्रीले जानकारी दिए । उनले भने– जसरी पनि आफ्नो जिल्लाभित्रको काम समयमा सम्पन्न गर्नुपर्छ भन्ने हिसाबले हामीहरु पनि लागि परेका छौं ।
ठेक्का सम्झौता गरेर आयोजना कार्यालयसँग सम्र्पक बिहिन भएर बसेका निमार्ण व्यवसायीको फर्मलाई आयोजना कार्यालयले कालोसूचिमा राख्ने सूचना निकालेपछि जरिवाना रकम तिरेर अहिले धमाधम रोकिएको कामले गति लिएको हो । कार्यालयले धेरै पटक निमार्ण व्यवसायीलाई ताकेता गर्दा पनि निमार्ण व्यवसायीहरुले वेवास्ता गर्ने, मोवाइल स्वीच अफ गरेर सम्र्पकमा नै नआउने जस्ता समस्याले गर्दा तोकिएको समयमा आयोजनाको काम पुरा हुन नसकेको मध्यपहाडी आयोजनाका सुपरभाइजर टेकराज पौडेलले जानकारी दिए ।
उनले भने– आयोजनाको अहिलेसम्म अनुमानित करिव ६० करोड रुपैयाँ खर्च भइसक्दा ८५ प्रतिशत काम सम्पन्न भइसकेको छ । बाँकी दशप्रतिशत काम आउने २०७८ सालभित्र सम्पन्न गरिसक्ने गरी काम युद्ध स्तरमा भइरहेको छ । आयोजनाले २०८० सालसम्म सवै सडकको काम सकेर नेपाल सरकारलाई बुझाउने गरि कामलाई तिव्रता दिएको सुपरभाइजर पौडेलले बताए ।


रामेछाप भित्र पर्ने ४५ किलोमिटर सडक मध्ये नर्वदेश्वर त्रिवेणी मन्दीर वाट कोथवेसम्मको १४ किलोमिटर सडक निमार्णको लागि टेण्डर आव्हान भइसकेकाले उक्त काम पनि चाडै सम्पन्न हुने अपेक्षा आयोजना कार्यालयले लिएको छ । रामेछाप भित्रको सडक आगामी २०७८ सालसम्म ट्रयाक ओपन गरिसक्ने र ८० सालभित्र कालोपत्रे गरीसक्ने गरी काम भइरहेको आयोजना कार्यालयले जनाएको छ ।

Related Articles

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप । नेपाली काँग्रेस रामेछापको महासमिति सदस्यका लागी २१ जनाले उम्मेदवारी दर्ता गराएका छन् । जम्मा ११ महासमिति सदस्य चयन हुन पर्नेमा २१ जनाले उम्मेदवारी दिएको निर्वाचन समितिले जनाएको छ ।  महिला महासमिति सदस्य र दलित महासमिति सदस्यको लागी भने एक एक महाधिवेशन...

कार्की पुनः काँग्रेसमा प्रवेश 

कार्की पुनः काँग्रेसमा प्रवेश 

रामेछाप । नेपाली काँग्रेस मन्थली नगरपालिका वडा नम्बर १० का युवा नेता ईश्वरी कुमार कार्की पुनः नेपाली काँग्रेसमा प्रवेश गरेका छन् । कार्कीलाई शनिवार नेपाली काँग्रेसका पूर्व पार्टी सभापति रामचन्द्र पौडेलले खादा लगाएर नेपाली काँग्रेसमा प्रवेश गराएका छन् । कार्कीले...

रामेछाप जेसीज २०२४ को अध्यक्षमा सन्तोष खत्री

रामेछाप जेसीज २०२४ को अध्यक्षमा सन्तोष खत्री

रामेछाप । रामेछाप जेसीज २०२४ को अध्यक्षमा जेसी सन्तोष खत्री निर्विरोध निर्वाचित भएका छन् । शुक्रवार सम्पन्न रामेछाप जेसीज १० औँ शाखाको अधिवेशन बाट खत्री निर्विरोध निर्वाचित भएका हुन् । कार्यकारिणी उपाध्यक्षमा जेसी कुमार श्रेष्ठ , र जेसी संगीता श्रेष्ठ कानुनी...

बागमती प्रदेश सभामा नेवार र तामाङ भाषा बाट सम्बोधन

बागमती प्रदेश सभामा नेवार र तामाङ भाषा बाट सम्बोधन

मकवानपुर । बागमती प्रदेश सभामा पहिलो पटक नेवार र तामाङ भाषा बाट प्रदेश सांसदहरूले सम्बोधन गरेका छन् ।  बागमती प्रदेश सरकारले सरकारी कार्यालयमा काम काजको भाषाको रूपमा वैशाख २४ गते देखी मान्यता दिने घोषणा गरे सँगै आजको प्रदेश सभामा नेवार र तामाङ भाषा बाट सम्बोधन...

मुख्य मन्त्रीलाई सम्मान पत्र सहित खादा र ब्याच मन्त्रालयमै

मुख्य मन्त्रीलाई सम्मान पत्र सहित खादा र ब्याच मन्त्रालयमै

हेटौडा । बागमती प्रदेश सरकारका मुख्य मन्त्री सालिकराम जमरकट्टेललाई ठुलिमदौ लिफ्ट सामुदायिक खानेपानी उपभोक्ता तथा सरसफाइ समितिका अध्यक्ष यमबहादुर थापाले मन्त्रालयमै पुगेर सम्मान पत्र सहित खादा र ब्याच दिएका छन् । बागमती प्रदेश सरकारको लगानीमा रामेछापको मन्थली नगरपालिका...

आगलागी पीडितलाई तरुण नेताहरू द्वारा नगद सहित आवश्यक राहत सहयोग

आगलागी पीडितलाई तरुण नेताहरू द्वारा नगद सहित आवश्यक राहत सहयोग

रामेछाप । नेपाली काँग्रेसका तरुण नेताहरूले आगलागी पीडित परिवारलाई नगद सहित आवश्यक सहयोग गरेको छ ।  यही वैशाख २३ गते दोरम्बा शैलुङ्ग गाउँपालिका वडा नम्बर ७ थापागाँउको छेवाङ नाम्गेल तामाङको घरमा एक्कासि आगलागी हुँदा पूर्ण क्षेती भएको थियो । नाम्गेल तामाङको घर पुर्णरुपमा...