रामेछाप । नेपाली कांग्रेस रामेछापका निवर्तमान सभापती एवं रामेछाप नगरपालीकाको नगरप्रमुख लबश्री न्यौंपानेले पार्टिको आधिकारीक निर्णय विपरित काम नगर्न नेपाल विद्यार्थी संघका नेता तथा कार्यकर्तालाई आग्रह गर्नु भएको छ । नेपाल विद्यार्थी संघ रामेछापले शनिवार सदरमुकाम मन्थलीमा रहेको वीपी कोइरालाको शालिकमा माल्यार्पण गर्दै पार्टीले आधिकारीक रुपमा गरेको निर्णय सबैले मान्न पर्ने भन्दै त्यसको विरुद्ध नलाग्न सबै नेता तथा कार्यकर्तालाई आग्रह गर्नु भएको छ ।

नेपाल बिद्यार्थी संघका जिल्ला सभापती बिनोद बुढाथोकीको अध्यक्षतामा भएको कार्यक्रमा बोल्दै नि बर्तमान सभापती लबश्री न्यौपानेले कहिले काहीं पार्टि भित्र असन्तुटि बढ्ने तर त्यसको समाधान छलफल बाट टुङ्गो लगाउनु पर्ने बताउनु भयो । सभापती बुढाथोकीलाई सबै समेटेर अघि बढ्न पनि आग्रह गर्नु भएको छ ।

नेपाली कांग्रेस र कांग्रेस निकट भातृ संस्थाहरुले वीपी कोइराला भारत बाट राष्ट्रिय एकता तथा मेलमिलापको नीति लिई स्वदेश फर्किएको सम्झनामा प्रत्य बर्ष पौंष १६ गते मनाउने गरेको छ । प्रथम जननिर्वाचित प्रधानमन्त्री वीपी कोइराला आफूमाथि आठ÷आठ वटा मृत्यु दण्डका मुद्दा अदालतमा चलिरहेका बेला राष्ट्रिय एकताका लागि जीवन अर्पण गर्न तयार भएर राष्ट्रिय एकता तथा मेलमिलापको नीति लिई स्वदेश फर्किएको सम्झनामा आजको दिन मेलमिलाप दिवस मनाउने गरेको नेपाली कांग्रेसका नेताहरुले बताएका छन्

विसं २०३३ पुस १६ गते नेपाली कांग्रेसका संस्थापक नेतासमेत रहहेका कोइरालाको नेतृत्वमा सर्वोच्च नेता गणेशमान सिंह, नेत्री शैलजा आचार्य, नेता खुमबहादुर खड्का, रामबाबु प्रसाइँ, नीलाम्बर पन्थी लगायत नेता कार्यकर्ता राष्ट्रिय एकता तथा मेलमिलापको नीति लिई करिब आठ वर्ष लामो निर्वासित जीवन त्याग गरी स्वदेश फर्किएका थिए ।

भारत निर्वासनमा रहँदा कोइराला लगायतका नेताले राष्ट्रियता एकता तथा मेलमिलापको नीति लिई आजभन्दा ४६ वर्षअघि देशको सार्वभौमसत्ता संरक्षणका लागि आजकै दिन स्वदेश फर्किएका हुन् ।

विसं २०१७ पुस १ गतेको तत्कालीन राजा महेन्द्रको शाही ‘कु’पछि प्रथम जननिर्वाचित प्रधानमन्त्री कोइरालालाई करिब तीन महिना सिंहदरबारमा बन्दी बनाइएको थियो । त्यसै वर्ष फागुन २६ गते सुन्दरीजल स्थित नेपाली सेनाको आर्सनलका हाकिमको निवास स्थानमा पर्खालले घेरी सुन्दरीजल बन्दी गृह बनाएर जेल स्थानान्तरण गरिएको थियो ।