रामेछाप । दोरम्बा शैलुङ गाउँपालिका–३ टोकरपुरको लेखर्कमा गए राति अबिरल वर्षा संगै आएको भीषण पहिरोले ६ जनाको ज्यान लिएको छ । अन्य ४ जना व्यपत्ता भएका छन् । उनिहरुको खोजिकार्य भइरहेका छ । एक जना घाइतेको उपचार भइरहेको छ ।
घटना स्थलबाट स्थानिय सिहराज योञ्जनले दिएको जानकारी अनुसार हाल सम्म ६ जनाको शव फेला परेको छ भने ४ जना अझै बेपत्ता रहेका छन् । उनिहरुको खोजी कार्य भइरहेको छ । मृत्यु हुनेहरुमा वर्ष ३० का चण्डिका थापा मगÞर, १८ महिनाको उनको छोरी आमस थापामगर, ४० वर्षिय उर्मिला पहरी ,१७ वर्षिय सन्दीप पहरी, १८ वर्षिय बिज्ञान पहरी, १४ वर्षिय सन्तोष पहरीको शव फेला परेको बताएका छन् । त्यसै गरी वर्ष ७५ की फड्की पहरी, ५५ वर्षका काले पहरी, वर्ष ५४ की भ्याउकिरी पहरी, बेपत्ता रहेको र खोजी कार्य भइरहेको योञ्जनले जानकारी दिए । अन्जना पहरी भने घाइते रहेको र उनको उपचार भइरहको जनाएको छ ।
यसै गरी पहिरोमा पुरिएर गोमा पहरीको घरमा रहेका ३ वटा भैँसी र १० वटा बाख्रा, उर्मिला पहरीका एउटा भैँसी, तीनवटा गाई र १८ वटा बाख्रा तथा कर्णबहादुर पहरीको एउटा बाख्रो पनि बेपत्ता भएका छन् । बाढी पहिरोले दुईवटा पक्की पुलमा क्षति गरेको र गाउँसम्म जाने बाटो पहिरोले क्षति क्षत विक्षत भएको छ जानकारी दिए ।
