दलित पत्रकार सङ्घबाट पत्रकार रामचन्द्र विक सम्मानित

रामेछाप । पत्रकार रामचन्द्र बिकलाई राष्ट्रिय दलित पत्रकार सङ्घ रामेछापले सम्मान गरेको छ । राष्ट्रिय दलित पत्रकार सङ्घ रामेछापको दोस्रो अधिवेशनले बिकलाई सम्मान गरेको हो । राष्ट्रिय दलित पत्रकार सङ्घलाई संस्थागत किसमा योगदान पुराउनका साथै दलित पत्रकारको संरक्षणमा विशेष योगदान पुर्‍याएको भन्दै सम्मान गरेको हो । बिक विगत १५ वर्ष देखी जिल्लामा रहेर पत्रकारिता गर्दै आएका छन् । उनी प्रहार मिडिया ग्रुपका सञ्चालक तथा अध्यक्ष हुन् । 

राष्ट्रिय दलित पत्रकार सङ्घ, रामेछापका अध्यक्ष लेखबहादुर विकको अध्यक्षतामा भएको अधिवेशनलाई सम्बोधन गर्दै कार्यक्रमका प्रमुख अतिथि समेत रहेका मन्थली नगरपालिकाका नगरप्रमुख लव श्रेष्ठले अबको पत्रकारिता खोजमूलक र समाजको वास्तविक चित्रण गर्ने खालको हुनुपर्ने बताउनुभएको छ । नगरप्रमुख श्रेष्ठले‘‘पत्रकारितालाई मुलुकको चौथो अङ्गका रूपमा लिइन्छ । यसले विशेष गरी खोजमूलक, समाजको वास्तविक चित्रण देखाउन सक्नुपर्छ । समाजले भोगेका समस्याहरू, पारिवारिक, साङ्गठनिक र सामूहिक हिसाबले पनि अहिले विभिन्न कुराहरू मिडियाहरूमा आइरहेका छन् । जे जे कुरा आए पनि त्यसको वास्तविकता पत्रकारिता जगतबाट बाहिर आउनुपर्छ ।’’

खोज तथा अनुसन्धानमूलक पत्रकारितामा सबैले विश्वास गर्ने नगर प्रमुख श्रेष्ठको भनाइ छ । वास्तविकताको गहिराई सम्म नपुगी गरिने पत्रकारिताले राज्यको चौथो अङ्गका रूपमा लिइँदै आएको पत्रकारिता प्रति प्रश्नहरू उठ्ने उहाँको भनाइ छ । यदि साँच्चै यो मुलुकको विकास गरी समृद्ध बनाउने हो भने सबै जात, जाति, समुदाय सक्षम हुनुपर्नेमा उहाँको जोड छ । उहाँले भन्नुभयो ‘‘सबै नागरिकले सरकारले यो गरेन, त्यो गरेन भन्ने गुनासो मात्रै गर्ने नभै आफूले चाहिँ के गरे त भन्ने भावना सबैमा हुनुपर्छ । आफ्नो अधिकार खोज्दै गर्दा आफ्नो कर्तव्य पनि भुल्न हुँदैन ।’’ एक हातले मात्रै ताली नबज्ने भएकाले यो मुलुक विकासका लागि सबैको एकता, सद्भाव र सहकार्य हुन आवश्यक रहेको उहाँको भनाइ छ । 

दोस्रो अधिवेशनले नवराज विक अध्यक्षमा चयन भएका छन् । शनिवार सदरमुकाम मन्थलीमा सम्पन्न भएको राष्ट्रिय दलित पत्रकार सङ्घ नेपाल जिल्ला कार्यसमिति रामेछापको दोस्रो अधिवेशनले विकको नेतृत्वमा ७ सदस्य नयाँ कार्यसमिति चयन गरेको हो । नयाँ कार्यसमितिको उपाध्यक्षमा सञ्जना रसाइली, सचिवमा राज लोहनी, सह–सचिवमा कुमार मिजार र कोषाध्यक्षमा सम्झना उपरकुटी चयन भएका हुन् । त्यसै गरी सदस्यहरूमा शर्मिला विशुन्के र कल्पना रसाइली चयन भएका छन् । अधिवेशनले केन्द्रीय पार्षद् र प्रदेश पार्षद् पनि चयन गरेको छ । सङ्घका निवर्तमान अध्यक्ष लेखबहादुर विक र रामचन्द्र विक केन्द्रीय पार्षद् र मिलन घिमिरे प्रदेश पार्षद्मा चयन गरेको छ ।

Related Articles

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप । नेपाली काँग्रेस रामेछापको महासमिति सदस्यका लागी २१ जनाले उम्मेदवारी दर्ता गराएका छन् । जम्मा ११ महासमिति सदस्य चयन हुन पर्नेमा २१ जनाले उम्मेदवारी दिएको निर्वाचन समितिले जनाएको छ ।  महिला महासमिति सदस्य र दलित महासमिति सदस्यको लागी भने एक एक महाधिवेशन...

कार्की पुनः काँग्रेसमा प्रवेश 

कार्की पुनः काँग्रेसमा प्रवेश 

रामेछाप । नेपाली काँग्रेस मन्थली नगरपालिका वडा नम्बर १० का युवा नेता ईश्वरी कुमार कार्की पुनः नेपाली काँग्रेसमा प्रवेश गरेका छन् । कार्कीलाई शनिवार नेपाली काँग्रेसका पूर्व पार्टी सभापति रामचन्द्र पौडेलले खादा लगाएर नेपाली काँग्रेसमा प्रवेश गराएका छन् । कार्कीले...

रामेछाप जेसीज २०२४ को अध्यक्षमा सन्तोष खत्री

रामेछाप जेसीज २०२४ को अध्यक्षमा सन्तोष खत्री

रामेछाप । रामेछाप जेसीज २०२४ को अध्यक्षमा जेसी सन्तोष खत्री निर्विरोध निर्वाचित भएका छन् । शुक्रवार सम्पन्न रामेछाप जेसीज १० औँ शाखाको अधिवेशन बाट खत्री निर्विरोध निर्वाचित भएका हुन् । कार्यकारिणी उपाध्यक्षमा जेसी कुमार श्रेष्ठ , र जेसी संगीता श्रेष्ठ कानुनी...

गस्तीमा खटिएका दुई जना प्रहरीको मोटरसाइकल दुर्घटनामा ज्यान गयो

गस्तीमा खटिएका दुई जना प्रहरीको मोटरसाइकल दुर्घटनामा ज्यान गयो

रामेछाप । सिन्धुलीमा गस्तीमा खटिएका दुई जना प्रहरीको मोटरसाइकल दुर्घटना हुँदा ज्यान गएको छ । सिन्धुलीको फिक्कल गाउँपालिका –५ झगडेँबेसी स्थित भित्री कच्ची सडकखण्डको सोल्पाडाँडाबाट प्रहरी चौकी तर्फ फर्कने क्रममा प्रदेश ३–०२–००१ ब ४७९ नम्बरको मोटरसाइकल दुर्घट्ना हुदा दुई...

३ जना सवारी चालक प्रहरी नियन्त्रणमा

३ जना सवारी चालक प्रहरी नियन्त्रणमा

रामेछाप । लागु पदार्थ सेवन ( ला.प.से.) गरी सवारी चलाउने ३ जना सवारी चालकलाई जिल्ला ट्राफिक प्रहरी कार्यालय रामेछापले नियन्त्रणमा लिएको छ ।आइतबार दिउसो मन्थली अस्पतालको समन्वयमा मन्थली नगरपालिका वडा नं.१ भैशेश्वरमा गरिएको लागु पदार्थ सेवन सम्पन्धी चेक जाँचको क्रममा तिन...

गौरीशंकर बहुमुखी क्याम्पसको नयाँ भवन बन्दैं

गौरीशंकर बहुमुखी क्याम्पसको नयाँ भवन बन्दैं

रामेछाप । रामेछापको पुरानो सदरमुकाम रामेछापमा रहेको गौरीशंकर बहुमुखी क्याम्पसको नयाँ भवन निर्माण हुने भएको छ । आफ्नो भवन हुदाँ हुदै पठन पाठनमा समस्यामा व्यहोर्दै आएको क्याम्पसले अब भने सुविद्या सम्पन्न भवन पाउँने भएको छ । भवन निर्माणको लागि विश्व विद्यालय अनुदान...