डोटी । भिरमाथीबाट झरेको ढुङ्गा टाउकामा लागेर सायल गाउँपालिका वडा नं–१ छपाली पुजारागाउँकी ११ बर्षिय बालिका समीक्षा पुजाराको घटनास्थलमा नै ज्यान गएको छ ।
जङ्गलमा बाख्रा चराएर घर घर तर्फ आउने क्रममा जङ्गलको भिरवाट अकस्मात झरेको ढुङ्गाले बालिका पुजाराको टाउकामो लाग्दा उनको ज्यान गएको हो । मृतक बालिका पुजाराको शव पोष्टमार्टमको लागि जिल्ला अस्पताल पठाइएको जिल्ला प्रहरी कार्यालय डोटीका सूचना अधिकारी तथा प्रहरी नायव उपरिक्षक इन्द्रबहादुर मल्लले जानकारी दिए ।
उनका अनुसार विद्यालयबाट पढाई सकेर घर आएकी पुजाराले खाजा खाएर दुई जना साथिसँग जङ्गलमा बाख्रा लिन गएकी थिइन । बाख्रा लिएर घर फर्कने क्रममा भिरवाट झरेको ढुङ्गाले लाग्दा उनको घटनास्थलमा नै ज्यान गएको थियो, भने अन्य दुईजना साथीहरु भागेर बाच्न सफल भएका थिए ।
