चुचुरेमा घरै पिच्छे पानीको धारा

Written by meropradesh creator

३ पुष २०७७, शुक्रबार

रामेछाप । खानेपानीको चरम समस्या झेल्दै आएका गोकुलगंगा गाउँपालिका वडा नं–१ चुचुरेका उपभोक्ताको घरै पिच्छे खानेपानीको धारा झरेपछि स्थानिय उपभोक्ता खुशीले गदगद् भएका छन् ।
गाउँपालिकाले सदियौ देखी खानेपानीको समस्या झेल्दै आएका नागरिकहरुको घरघरमा धारा पुर्याउने योजना अघि वढाए सँगै चुचुरेमा खानेपानी पुगेको हो । वस्ती नजिकै खानेपानीको मुहान नभएकै कारण स्थानिय उपभोक्ताहरुले खोलामो दुषित पानी प्रयोग गर्दै आएका थिए । खोलामा बगिरहेको पानी खादा उपभोक्ताहरुमा जरो, टाइफाइड, जण्डिस, रुघाखोकी जस्ता रोगहरु लाग्दै आएको गोकुलगंगा गाउँपालिका वडा नं १ चुचुरेकी उपभोक्ता मनमाया तामाङले जानकारी दिइन ।
उनले भनिन्– हामीलाई खानेपानीको सधै समस्या थियो । वर्षातमा खोलामा बगेको धमिलो खानेपानी पिउने गर्नुपथ्यो । धमिलो पानी खाँदा गाउँका धेरै उपभोक्ताहरु बिरामी पनि परे । जरुवाको पानी लिन जाँदा जंगलमा जानु पर्ने वाध्यता थियो । पानी लिन जंगलमा महिलाहरु एक्लै दुक्लै जान सक्दैनथे । घरमा भएका पुरुषहरु कामको लागि घरवाहिर जानु पर्ने वाध्यता भएकाले हामीले वर्षौदेखी खोलामा वगेको धमिलो पानी खाएर निर्वाह गर्दै आएका थियौ । तर अहिले घरघरमा पानीको धारा झरेपछि गाउँका सवै उपभोक्ताहरु खुशीले गदगद भएको तामाङ बताउँछिन् ।
गाउँपालिकाले गएको आर्थिक वर्षको विनियोजीत वजेटवाट गाउँपालिकाको ६ वटै वडाहरुको खानेपानी अभाव भएको वस्ती पहिचान गरी ती वस्तीहरुमा घरै पिच्छे पानी पुर्याउने अभियान शुरुवात गरेको थियो । सोही अभियान अन्तर्गत पहिलो चरणमा वडा नं–१ चुचुरेमा उपभोक्ताहरुलाई पहिलो प्राथमिकतामा राखेर १ सय १८ वटा धारा निमार्ण गरी ती धारामा पानी खसालेको छ । चुचुरेका उपभोक्ताहरुले वस्ती आसपास पानीको मुहान नभएपछि चम्लार खोला र खिम्ती खोलाको धमिलो पानी उपभोग गर्दै आएका थिए । अहिले गाउँपालिकाले वजेट विनियोजन गरेपछि वस्ती माथीको जंगलको मुहानवाट रिजर्भ ट्याङकी निमार्ण गरी वस्तीमा खानेपानी पुर्याइएको गोकुलगंगा गाउँपालिका वडा नं– १ का वडा अध्यक्ष मणिकुमार लामाले जानकारी दिए ।
उनले भने– चुचुरेको सवै वस्तीमा खानेपानीको असुविधा छ । खानेपानीको असुविधा भएको वस्तीहरु पहिचान गरिसकेका छौं । पानीको अभाव झेलिरहेका वस्तीहरुमा पहिलो पटक १ सय १८ वटा धारा निमार्ण भइसकेर ती धारा मार्फत पानी वितरण गरिसकेका छौं भने बाँकी रहेका अन्य वस्तीहरुमा पनि धारा निमार्णको काम भइरहेकाले चाँडै नै ती वस्तीमा पनि शुद्ध खानेपानी वितरण गर्ने गरि काम अघि वढाइएको अध्यक्ष लामाले बताए ।
गाउँपालिकाले गएको आर्थिकवर्षमा गाउँपरिषदवाट पारित गरेर शुरुवात गरेको एक घर एक धारा अभियान अन्तर्गत यस चालु आर्थिक वर्षमा ८ सयवटा धारा निमार्ण गरिसक्ने गरि काम अघि वढाएको गोकुलगंगा गाउँपालिकाका अध्यक्ष खडगवहादुर सुनुवारले जानकारी दिए । उनले भने– अबको दुई वर्ष भित्रमा गाउँपालिकाका ६ वटै वडाहरुमा वसोवास गर्ने उपभोक्ताहरुको घरघरमा खानेपानी पुरयाउने गरी दु्रत गतिमा काम गर्ने वताए ।

Related Articles

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप । नेपाली काँग्रेस रामेछापको महासमिति सदस्यका लागी २१ जनाले उम्मेदवारी दर्ता गराएका छन् । जम्मा ११ महासमिति सदस्य चयन हुन पर्नेमा २१ जनाले उम्मेदवारी दिएको निर्वाचन समितिले जनाएको छ ।  महिला महासमिति सदस्य र दलित महासमिति सदस्यको लागी भने एक एक महाधिवेशन...

कार्की पुनः काँग्रेसमा प्रवेश 

कार्की पुनः काँग्रेसमा प्रवेश 

रामेछाप । नेपाली काँग्रेस मन्थली नगरपालिका वडा नम्बर १० का युवा नेता ईश्वरी कुमार कार्की पुनः नेपाली काँग्रेसमा प्रवेश गरेका छन् । कार्कीलाई शनिवार नेपाली काँग्रेसका पूर्व पार्टी सभापति रामचन्द्र पौडेलले खादा लगाएर नेपाली काँग्रेसमा प्रवेश गराएका छन् । कार्कीले...

रामेछाप जेसीज २०२४ को अध्यक्षमा सन्तोष खत्री

रामेछाप जेसीज २०२४ को अध्यक्षमा सन्तोष खत्री

रामेछाप । रामेछाप जेसीज २०२४ को अध्यक्षमा जेसी सन्तोष खत्री निर्विरोध निर्वाचित भएका छन् । शुक्रवार सम्पन्न रामेछाप जेसीज १० औँ शाखाको अधिवेशन बाट खत्री निर्विरोध निर्वाचित भएका हुन् । कार्यकारिणी उपाध्यक्षमा जेसी कुमार श्रेष्ठ , र जेसी संगीता श्रेष्ठ कानुनी...

बागमती प्रदेश सभामा नेवार र तामाङ भाषा बाट सम्बोधन

बागमती प्रदेश सभामा नेवार र तामाङ भाषा बाट सम्बोधन

मकवानपुर । बागमती प्रदेश सभामा पहिलो पटक नेवार र तामाङ भाषा बाट प्रदेश सांसदहरूले सम्बोधन गरेका छन् ।  बागमती प्रदेश सरकारले सरकारी कार्यालयमा काम काजको भाषाको रूपमा वैशाख २४ गते देखी मान्यता दिने घोषणा गरे सँगै आजको प्रदेश सभामा नेवार र तामाङ भाषा बाट सम्बोधन...

मुख्य मन्त्रीलाई सम्मान पत्र सहित खादा र ब्याच मन्त्रालयमै

मुख्य मन्त्रीलाई सम्मान पत्र सहित खादा र ब्याच मन्त्रालयमै

हेटौडा । बागमती प्रदेश सरकारका मुख्य मन्त्री सालिकराम जमरकट्टेललाई ठुलिमदौ लिफ्ट सामुदायिक खानेपानी उपभोक्ता तथा सरसफाइ समितिका अध्यक्ष यमबहादुर थापाले मन्त्रालयमै पुगेर सम्मान पत्र सहित खादा र ब्याच दिएका छन् । बागमती प्रदेश सरकारको लगानीमा रामेछापको मन्थली नगरपालिका...

आगलागी पीडितलाई तरुण नेताहरू द्वारा नगद सहित आवश्यक राहत सहयोग

आगलागी पीडितलाई तरुण नेताहरू द्वारा नगद सहित आवश्यक राहत सहयोग

रामेछाप । नेपाली काँग्रेसका तरुण नेताहरूले आगलागी पीडित परिवारलाई नगद सहित आवश्यक सहयोग गरेको छ ।  यही वैशाख २३ गते दोरम्बा शैलुङ्ग गाउँपालिका वडा नम्बर ७ थापागाँउको छेवाङ नाम्गेल तामाङको घरमा एक्कासि आगलागी हुँदा पूर्ण क्षेती भएको थियो । नाम्गेल तामाङको घर पुर्णरुपमा...