रामेछाप । उमाकुण्ड गाउँपालिकामा तिन दिने बाटेको धुप बनाउने र एक दिने प्रबोधिकरण तालिम सम्पन्न भएको छ । गाउँपालिकाको सहयोगमा अपाङ्ग सचेतना सेवा केन्द्र रामेछापले आयोजना गरेको तालिममा अपाङ्गता भएका गाउँपालिकाका १० जना सहभागी भएका थिए । शुक्रवार पालिकाकी उपाध्यक्ष सावित्री सुनुवारले सहभागीहरूलाई प्रमाणपत्र प्रदान सिकेको सिपलाई प्रयोगमा ल्याउन आग्रह गर्नु भएको छ ।
गाउँपालिका बाट बिभिन्न प्रकारका शिप प्रर्दान गर्दै आएको भएपनी त्यसलाई प्रयोगमा धेरैले ल्याउन नसकेको भन्दै प्रयोगमा ल्याउन र व्यवसायिक बन्न आग्रह गर्नु भयो । शारीरिक रूपमा असक्त भएकाहरूले बसेरै गर्न सक्ने र आम्दानीको बाटोमा जोडिएर आत्मनिर्भर बनाउने उद्देश्यले तालिम दिइएको अपाङ्ग सचेतन सेवा केन्द्र रामेछापका सचिब पुरुषोतम घिमिरेले बताउनु भयो । ३ दिने बाटेको धुप बनाउने तालिम र प्रबोधिकरण एवं सचेतना कार्यक्रम प्रशिक्षक यसोदा श्रेष्ठ र पुरुषेतम घिमिरेले गर्नु भएको थियो ।
