इंग्ल्यान्ड संग भारतको लज्जास्पद हार

Written by meropradesh creator

२८ माघ २०७७, बुधबार

एजेन्सी –भारतले इंग्ल्यान्ड संग नराम्रो संगहार ब्यहोरेको छ । घरेलु टोली भारतलाई इंग्ल्यान्डले पहिलो टेष्टको पाँचौं दिन दोस्रो सेसनमो भारतलाई २ सय २७ रनको फराकिलो अन्तरले हराउँदै चार टेष्ट खेलको सिरिजमा १–० को अग्रता लिएको छ ।
जितको लागि ४ सय २० रनको विशाल विजयी लक्ष्य पछ्याएको भारत ५८.१ ओभरमा १ सय ९२ रनमा अल आउट भएको छ । भारतका लागि कप्तान विराट कोहलीले सर्वाधिक ७२ रनको योगदान दिएका थिए । बेन स्टोक्सले बोल्ड आउट गर्नुअघि विराटले १ सय ४ बलमा ९ चौका प्रहार गरका थिए । युवा ओपनर सुभमन गिलले ८३ बलमा ७ चौका र १ छक्का सहित ५० रनको योगदान दिएका थिए । अन्य ब्याट्सम्यानले भने सम्झन योग्य प्रर्दशन गर्न सकेनन् ।
पाँचौं दिन पहिलो सेसनमै भारतले शीर्षक्रमका पाँच ब्याट्सम्यानलाई गुमाएपछि भारत हार नजिक पुगेको हो । चेतेश्वर पुजारालाई स्पिनर ज्याक लेचले पाँचौं दिनको सुरुवातमै स्टोक्सबाट १५ रनमा क्याच गराउँदै पेभिलिएन फर्काएका थिए । २७ ओभरमा जेम्स एन्डरसनले गिललाई बोल्ड आउट गरेका थिए । गिल आउट भएको तीन बलपछि अजिक्या रहाणेलाई एन्डरसनले शून्यमै बोल्ड आउट गरेपछि भारत संकटमा परेको हो । डोमिनिक बेसले वासिन्टन सुन्दरलाई विकेटकिपर जस बटलरबाट शून्यमा क्याच आउट गराएका थिए । ३३ औं ओभरमा एन्डरसनले ऋषभ पन्तलाई ११ रनमा कप्तान जो रुटबाट क्याच आउट गराएपछि इंग्ल्यान्ड जित नजिक पुगेको हो । रविचन्द्रन आश्विन ९ र शहबाज नदिम शून्यमा आउट भए ।
इंग्ल्यान्डका स्पिनर ज्याक लेचले सर्वाधिक ४ विकेट लिए । जेम्स एन्डरसनले ३, डोमिनिक बेस, जोफ्रा आर्चर र बेन स्टोक्सले १–१ विकेट लिए ।
त्यसअघि चौथो दिन सोमबार पहिलो इनिङमा २ सय ४१ रनको विशाल अग्रता लिएको इंग्ल्यान्ड दोस्रो इनिङ १ सय ७८ रनमा अल आउट हुँदै विशाल लक्ष्य दिएको थियो । कप्तान जो रुटले ३२ बलमा ७ चौका सहित सर्वाधिक ४० रनको योगदान दिए । ओली पोप २८, जस बटलर २४, डोमिनिक बेस २५ र ड्यान लरेन्स १८ रनको योगदान दिए । भारतका स्पिनर रविचन्द्रन आश्विनले १७।३ ओभरमा २ मेडन सहित ६१ रन खर्चेर ६ विकेट लिए । शहबाज नदिमको नाममा २ विकेट रह्यो ।
पहिलो इनिङङ भारत ३ सय ३७ रनमा अल आउट भयो । भारतका स्पिनर वासिन्टन सुन्दर १ सय ३८ बलमा १२ चौका र २ छक्का सहित ८५ रनमा अविजित रहे । विकेटकिपर ऋषभ पन्तले ८८ बलमा ९ चौका र ५ छक्का सहित सर्वाधिक ९१ रन बनाउँदै आउट भए ।
स्पिनर डोमिनिक बेसको बलमा ज्याक लेचबाट क्याच आउट भएपछि पन्त शतक बनाउन चुकेका थिए । चेतेश्वर पुजारा १ सय ४३ बलमा ११ चौका सहित ७३ रोरी बन्र्सबाट बेसको बलमा क्याच समातिन पुगे । पाँचौं विकेटका लागि पन्त र पुजाराले १ सय १९ रनको शतकीय साझेदारी गरेका थिए ।
चौथो ओभरमै तीव्र गतिका बलर जोफ्रा आर्चरले ओपनर रोहित शर्मालाई विकेटकिपर जस बटलरबाट ६ रनमा क्याच गराउँदै पहिलो सफलता दिलाएका थिए । दशौं ओभरमा आर्चरले सुभमन गिललाई जेम्श एन्डरसनबाट २९ रनमा क्याच गराएपछि अष्ट्रेलियाले उत्कृष्ट सुरुवात गरेको थियो । गिलले २८ बलमा ५ चौका प्रहार गरे । त्यसपछि स्पिनर बेसले भारतको इनिङ धरासयी बनाए ।
बेसले कप्तान विराट कोहलीलाई ओली पोपबाट ११ रनमा क्याच गराउँदै भारतलाई ७१–३ को कमजोर अवस्थामा पुर्याए । कोहलीको प्रमुख विकेट लिएका बेसले उपकप्तान अजिक्या रहाणेलाई कप्तान जो रुटबाट एक रनमा क्याच गराउँदै पेभिलिएन फर्काएका थिए । रविचन्द्रन आश्विन ३१ रनमा आउट भए । इंग्ल्यान्डका स्पिनर डोमिनिसक बेसले सर्वाधिक ४ विकेट लिए । जोफ्रा आर्चर, एम्स एन्डरसन र ज्याक लेचले २(२ विकेट लिए ।
त्यसअघि चेन्नईमा टस जितेर पहिला ब्याटिङ रोजेको इंग्ल्यान्ड तेस्रो दिनको ५ सय ७८ रनमा अल आउट भएको थियो । इंग्ल्यान्डका कप्तान जो रुट ३ सय ७७ बलमा १९ चौका र २ छक्का सहित २ सय १८ रनमा आउट भए ।
रुटलाई शहबाज नदिमले एलबिडब्लू आउट गरेका थिए । रुट १०० औं टेष्ट ब्यक्तिगत खेलमा दोहोरो शतक बनाउने टेष्ट क्रिकेट इतिहासकै पहिलो खेलाडी बनेका छन् । रुटले यस सफलता १४२।३ औं ओभरमा स्पिनर रविचन्द्रन आश्विनलाई लङअङमा छक्का प्रहार गर्दै रचेका थिए । रुटको यो टेष्ट करिअरको पाँचौं दोहोरो शतक हो ।
पहिलो दिन पूर्ण रुपमा हाबी बनेको इंग्ल्यान्डले दोस्रो दिन पनि त्यसलाई निरन्तरता दिँदै विशाल योगफल तयार पारेको हो । रुटका सामू दोस्रो दिन पनि भारतीय बलर निरिह देखिए । रुट दोस्रो दिन अन्तिम सेसनमा आउट हुन पुगेका थिए ।
रुटले पहिलो दिननै शतक प्रहार गरेका थिए । लगातार तीन शतक प्रहार गरेका रुटको नाममा पहिलो दिनमै नयाँइतिहास बनेको थियो । रुट ९८, ९९ र १०० औं टेष्ट खेलमा लगातार शतक प्रहार गर्ने एकमात्र खेलाडी हुन् । दोस्रो दिन चौथो विकेटका लागि रुटले बेन स्टोक्ससँग १ सय २४ रनको उत्कृष्ट साझेदारी गरेका थिए ।
स्टोक्स स्पिनर शहबाज नदिमको बलमा चेतेश्वर पुजाराबाट ८२ रनमा क्याच आउट हुन पुगेका थिए । स्टोक्सले १ सय १८ बलमा १० चौका र ३ छक्का प्रहार गरे । दोस्रो दिन पहिलो सेसनमा विकेट नगुमाई उत्कृष्ट साझेदारी गरेपछि भारतीय बलर दबाबमा परेका थिए । ओली पोप ३४ र विकेटकिपर जस बटलर ३० रनमा आउट भए । जोफ्रा आर्चर शून्यमा आउट भए ।
पहिलो दिन तेस्रो विकेटका लागि रुट र ओपनर डोमिनिक सिब्लेले ३ सय ९० बलमा २ सय रनको उत्कृष्ट दोहोरो शतकीय साझेदारी गरेपछि भारत पहिलो दिन निरिह बनेको थियो । सिब्ले भने पहिलो दिनको अन्तिम ओभरमा जस्प्रित बुमराहको बलमा एलबिडब्लू धराप परेका थिए । ओपनर सिब्ले २ सय ८६ बलमा १२ चौका सहित ८७ रनमा आउट भए ।
रुटले १ सय ६४ बलमा १२ चौका सहित आफ्नो टेष्ट करिअरको २० औं शतक पूरा गरेका थिए । यसअघि रुटले जनवरीमा श्रीलंकाविरुद्ध पहिलो टेष्टमा २ सय २८ तथा दोस्रो खेलमा १ सय ८६ रनको इनिङ खेलेका थिए । इंग्ल्यान्डलाई ओपनर रोरी बर्न्स र डोमिनिक सिब्लेले ६३ रनको साझेदारी गर्दै राम्रो सुरुवात दिलाएका थिए । स्पिनर रविचन्द्रन आश्विनले २४ औं ओभरमा रोरीलाई विकेटकिपर ऋभष पन्तबाट ३३ रनमा क्याच गराउँदै साझेदारी तोडेका थिए । रोरीले ६० बलमा २ चौका प्रहार गरे । ड्यान लरेन्सलाई जस्प्रित बुमराहले शून्यमै एलबिडब्लू आउट गरेका थिए । स्पिनर डोमिनिक बेस ३४ र ज्याक लेच १४ रनको योगदान दिए । भारतका जस्प्रित बुमराह र रविचन्द्रन आश्विनले ३(३ विकेट लिए । शहबाज नदिम र ईशान्त शर्माले २(२ विकेट लिए ।

समाचार खेलखबर बाट

Related Articles

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

पौंस २६ बाट चरिकोटमा शहीद प्रधानको स्मृतिमा प्रदेश स्तरीय भलिवल प्रतियोगिता हुने

काठमाडौँ – शहीद हेमन्त प्रधानको स्मृतिमा नेपाली काँग्रेस दोलखा प्रदेश ‘क’ ले प्रदेश स्तरीय खुला भलिवल प्रतियोगिता आयोजना गर्ने भएको छ ।‘स्वास्थ्यका लागि खेलकुद राष्ट्रका लागि खेलकुद’ भन्ने नारा सहित आगामी पौस २६ गतेबाट सुरु हुने प्रतियोगितामा बागमती प्रदेशका १३...

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप काँग्रेस महासमिति सदस्य २१ जनाको उम्मेदवारी दर्ता : जनजाति महिला र दलितमा निर्विरोध 

रामेछाप । नेपाली काँग्रेस रामेछापको महासमिति सदस्यका लागी २१ जनाले उम्मेदवारी दर्ता गराएका छन् । जम्मा ११ महासमिति सदस्य चयन हुन पर्नेमा २१ जनाले उम्मेदवारी दिएको निर्वाचन समितिले जनाएको छ ।  महिला महासमिति सदस्य र दलित महासमिति सदस्यको लागी भने एक एक महाधिवेशन...

कार्की पुनः काँग्रेसमा प्रवेश 

कार्की पुनः काँग्रेसमा प्रवेश 

रामेछाप । नेपाली काँग्रेस मन्थली नगरपालिका वडा नम्बर १० का युवा नेता ईश्वरी कुमार कार्की पुनः नेपाली काँग्रेसमा प्रवेश गरेका छन् । कार्कीलाई शनिवार नेपाली काँग्रेसका पूर्व पार्टी सभापति रामचन्द्र पौडेलले खादा लगाएर नेपाली काँग्रेसमा प्रवेश गराएका छन् । कार्कीले...

रामेछाप जेसीज २०२४ को अध्यक्षमा सन्तोष खत्री

रामेछाप जेसीज २०२४ को अध्यक्षमा सन्तोष खत्री

रामेछाप । रामेछाप जेसीज २०२४ को अध्यक्षमा जेसी सन्तोष खत्री निर्विरोध निर्वाचित भएका छन् । शुक्रवार सम्पन्न रामेछाप जेसीज १० औँ शाखाको अधिवेशन बाट खत्री निर्विरोध निर्वाचित भएका हुन् । कार्यकारिणी उपाध्यक्षमा जेसी कुमार श्रेष्ठ , र जेसी संगीता श्रेष्ठ कानुनी...

बागमती प्रदेश सभामा नेवार र तामाङ भाषा बाट सम्बोधन

बागमती प्रदेश सभामा नेवार र तामाङ भाषा बाट सम्बोधन

मकवानपुर । बागमती प्रदेश सभामा पहिलो पटक नेवार र तामाङ भाषा बाट प्रदेश सांसदहरूले सम्बोधन गरेका छन् ।  बागमती प्रदेश सरकारले सरकारी कार्यालयमा काम काजको भाषाको रूपमा वैशाख २४ गते देखी मान्यता दिने घोषणा गरे सँगै आजको प्रदेश सभामा नेवार र तामाङ भाषा बाट सम्बोधन...

मुख्य मन्त्रीलाई सम्मान पत्र सहित खादा र ब्याच मन्त्रालयमै

मुख्य मन्त्रीलाई सम्मान पत्र सहित खादा र ब्याच मन्त्रालयमै

हेटौडा । बागमती प्रदेश सरकारका मुख्य मन्त्री सालिकराम जमरकट्टेललाई ठुलिमदौ लिफ्ट सामुदायिक खानेपानी उपभोक्ता तथा सरसफाइ समितिका अध्यक्ष यमबहादुर थापाले मन्त्रालयमै पुगेर सम्मान पत्र सहित खादा र ब्याच दिएका छन् । बागमती प्रदेश सरकारको लगानीमा रामेछापको मन्थली नगरपालिका...

आगलागी पीडितलाई तरुण नेताहरू द्वारा नगद सहित आवश्यक राहत सहयोग

आगलागी पीडितलाई तरुण नेताहरू द्वारा नगद सहित आवश्यक राहत सहयोग

रामेछाप । नेपाली काँग्रेसका तरुण नेताहरूले आगलागी पीडित परिवारलाई नगद सहित आवश्यक सहयोग गरेको छ ।  यही वैशाख २३ गते दोरम्बा शैलुङ्ग गाउँपालिका वडा नम्बर ७ थापागाँउको छेवाङ नाम्गेल तामाङको घरमा एक्कासि आगलागी हुँदा पूर्ण क्षेती भएको थियो । नाम्गेल तामाङको घर पुर्णरुपमा...