रामेछाप । जिल्लाको मन्थली नगरपालिका वडा नं–१ आकाशेको यएरर्पोट नजिकै अचेत अवस्थामा भेटिएका एक युवकको उपचारको क्रममा आइतवार बिहान ज्यान गएको छ ।
मन्थलीको आकाशे यएरर्पोट नजिकै अचेत अवस्थामा फेला परेका ती युवकलाई उपचारको क्रममा मन्थली स्थित तामाकोशी अस्पतालमा लगिएकोमा थियो । उनको उपचार गर्न नपाउँदै चिकित्सकले मृत घोषडा गरेको जिल्ला प्रहरी कार्यालय रामेछापका प्रवक्ता श्रीशंकर श्रेष्ठले जानकारी दिए ।
उनका अनुसार– तराई मुलका जस्ता देखिने ती युवकको उमेर अन्दाजी ४५÷५० वर्ष जस्तो देखिन्छ । उनले धर्के टिसर्ट र कालो पाइन्ट लगाएका छन् । अहिलेसम्म मृतक युवकको नाम, थर र वतन खुल्न सकेको छैन् । उनको शव पोष्टमार्टमको लागि प्राथमिक स्वास्थ्य केन्द्र मन्थलीमा राखिएको र उनको विवरण खोज्ने काम भइरहेको प्रहरीले जनाएको छ ।
