भारत र अष्ट्रेलियाबीचका दोस्रो टेस्ट सुरु

खेलकुद
  • 2
    Shares

भारत र अष्ट्रेलियाबीचको चार टेस्ट क्रिकेटको श्रृङ्खला अन्तर्गत दोस्रो टेस्ट सुरु भएको छ । अहिले भारत सँगको दोस्रो टेष्टमा घरेलु टोली अष्ट्रेलियाले पहिले ब्याटिङ शुरु गरेको छ । मेलबर्न क्रिकेट मैदानमा अष्ट्रेलियाका कप्तान टिम पेइनले टस जितेर पहिला ब्याटिङ गर्ने निर्णय गरेका हुन् । चार खेलको टेष्ट श्रृङ्खला अन्तर्गत पहिलो खेलमा ८ विकेटले विजयी हुँदै अष्ट्रेलियाले १–० को अग्रता बनाएको छ ।
अष्ट्रेलियाले दोस्रो खेलमा टोलीमा कुनै परिवर्तन गरेको छैन । तर भारतले टोलीमा ४ परिवर्तन गरेको छ । विराट कोहली स्वदेश फर्केपछि भारतीय टिमलाई अजिंका राहानेले कप्तानी सम्हालेका छन् । ब्याट्सम्यान सुभमन गिल र तीव्र गतिका बलर मोहम्मद सिराजले टेष्ट खेलमा डेब्यू गरेका छन् ।
भारतले गिललाई ओपनर पृथ्वी शा को ठाउँमा र सिराजलाई बलर मोहम्मद शामीको ठाउँमा मौका दिएको हो । विकेटकिपर ऋद्धिमान शाहको ठाउँमा युवा ब्याट्सम्यान ऋषभ पन्तले मौका पाएका छन् । यसअघि घाइते भएका रवीन्द्र जडेजा पनि टिममा फर्किएका छन् । पहिलो खेलको दोस्रो इनिङमा अष्ट्रेलियासँग ३६ रनमा अल आउट हुँदै भारत आफ्नो टेष्ट इतिहासकै सबैभन्दा कम योगफलमा समेटिएको थियो । भारतले यसअघि एकदिवसीय र टी(ट्वान्टी श्रृङ्खला खेलिसकेको छ । अष्ट्रेलियाले २(१ एकदिवसीय श्रृङ्खला र भारतले टी ट्वान्टी जितेको थियो । चार टेष्ट खेलको श्रृङ्खला मा अष्ट्रेलिया १(० ले अघि रहेको छ ।

Facebook Comments

  • 2
    Shares