सरकार विरुद्ध काँग्रेसको रामेछापमा विरोधसभा

समाज
  • 13
    Shares

रामेछाप २९ मंङ्सिर ।
रामेछाप । वर्तमान सरकारले गरेको कामकाजको विषयलाई लिएर नेपाली काँग्रेस रामेछापले पनि देशका अन्य जिल्लाहरुमा जस्तै रामेछापमा पनि विरोध जुलुस सहित आफ्नो शक्ती प्रदर्शन गरेको छ ।
देशभर एकैसाथ प्रदर्शन गर्ने क्रममा नेपाली काँग्रेस रामेछापले पनि विरोध र्याली प्रदर्शन गरेको हो । मन्थली नगरपालिकाको वडा नं–१ भैसेश्वर चोकबाट विभिन्न नारा सहित निस्किएको र्यालीले मन्थली बजार परिक्रमा गरी स्थानिय देवकोटा चोकमा आएर कोणसभामा परिणत भएको थियो ।


नेपाली काँग्रेस रामेछापका पार्टी सभापति लवश्री न्यौपानेको अध्यक्षतामा भएको उक्त कार्यक्रममा निवर्तमान पार्टी सभापती रामचन्द्र खड्का, संघीय संसदका तत्कालिन उमेद्वार पूर्णबहादुर तामाङ (कान्छाराम), महाधिवेशन प्रतिनिधिहरु क्रमश ध्रुव लामा, अर्जुन केसी, लगाएतका वक्ताहरुले अहिलेको सरकारको चर्को आलोचना गरेका थिए ।
त्यसैगरी कार्यक्रममा महिला संघकी जिल्ला अध्यक्ष गंगा अधिकारी, प्रदेश (क) तथा (ख) का उमेद्वार रत्न कार्की र जीतबहादुर थापामगर, तरुण दलका सह–सचिव जीवन कार्की, नेविसंघका पूर्व केन्द्रीय सदस्य रत्नहरि ढुंगेल र वर्तमान अध्यक्ष सुशील अधिकारी लगायतले वर्तमान सरकार भ्रष्टाचारमा लिप्त भएको भन्दै चर्को विरोध गरेका थिए ।
बिरोध कार्यक्रममा बोल्दै उनीहरुले सरकारको सर्वसत्तावादी प्रवृत्ति, कोभिड–१९ नियन्त्रणमा असफलता, स्वास्थ्य सामग्रीमा अनियमितता, राज्य आतंक, चर्को र चरम मूल्य बृद्धि, ब्यापकरुपमा मौलाएको, भ्रष्टाचार दैनिक रुपमा बढेको, महिला हिंसा लगाएतका घटनाहरु बृद्धि हुँदा पनि यो सरकारले केही नियन्त्रण गर्न नसकेको आरोप उनीहरुले लगाएका छन् ।
त्यसैगरी बिरोध कार्यक्रममा वोल्ने बक्ताहरुले अहिलेको कम्युनिष्ट सरकारले गरेको करवृद्धि, बालुवाटारको ललिता निवासको जग्गा प्रकरण, लगायतका सयौं काण्डै काण्ड मात्रै गरेको भन्दै कुशासनको विरुद्ध नेपाली काँग्रेसले बर्तमान सरकारको भण्डाफोर गरेरै छाड्ने बताए ।
कम्युनिष्ट सरकारको अधिनायकवाद विरुद्ध नेपाल विद्यार्थी संघको अगुवाईमा आइतवार साँझ पनि रामेछापको सदरमुकाम मन्थलीमा सिठ्ठी जुलुस प्रदर्शन गरेको थियो । उक्त कार्यक्रममा नेपाल तरुण दल, नेपाली काँग्रेस, नेपाल महिला संघ लगाएतका विभिन्न भातृ संघसंगठनका नेता तथा कार्यकर्ताहरुको समेत उपस्थिती रहेको थियो ।

Facebook Comments

  • 13
    Shares